6 ناۋرىز كٷنٸ الماتىدا قازاقستان ۇلتتىق عىلىم اكادەميياسىنىڭ پرەزيدەنتٸ مۋرات جۇرىنوۆ بٸر توپ اكادەميكتەرمەن كەزدەسۋ ٶتكٸزدٸ, دەپ حابارلايدى "ۇلت اقپارات" قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۇعا مٷشەلەرٸ تاياۋدا ٶتكەن اكادەمييانىڭ 70 جىلدىق مەرەيتويىنا ارنالعان سالتاناتتى جينالىس قورىتىندىلانىپ, ەلٸمٸزدە ساياسي بيلٸك رەفورمالارى مەن ەلباسىنىڭ قازاقستان حالقىنا جولداۋىنداعى مٸندەتتەردٸ جٷزەگە اسىرۋ مەسەلەلەرٸ قارالدى.
سونىمەن قاتار عالىمدار اكادەميكتەردٸڭ مەملەكەتتٸك تٸلدٸڭ دامۋى تۋرالى قر پرەمەر-مينيسترٸ ب. ساعىنتاەۆقا, قر مەملەكەتتٸك حاتشىسى گ. ەبدٸقالىقوۆاعا جەنە پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى م. تەجينگە جولداعان ٷندەۋ حاتى تالقىلاندى. بۇل مەسەلەنٸ تالقىلاۋعا قر بٸلٸم جەنە عىلىم مينيسترلٸگٸنٸڭ ٶكٸلٸ – قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸ ديرەكتورىنىڭ ورىنباسارى گٷلزات كٶبەنوۆا جەنە فيلولوگييا عىلىمىنىڭ دوكتورى ايگٷل ٸسماقوۆا دا شاقىرىلعان.
"تالقىلاۋ بارىسىندا قر بعم ٶكٸلٸ قولدانىستاعى كلاسسيفيكاتوردىڭ رەسمي نۇسقاسىن ۇسىنىپ, ٷندەۋدە اتالعان ماماندىقتاردىڭ ٶز قالپىندا قالعانىن, جەنە وسى ماماندىقتار بويىنشا جىل سايىن بٶلٸنەتٸن گرانتتاردىڭ كٶبەيتٸلمەسە, ازايتىلماي بٶلٸنٸپ جاتقانى تۋرالى مەلٸمدەدٸ. سونىمەن قاتار ول مينيسترلٸكتٸڭ ەربٸر شەشٸمٸنٸڭ تەك القالى نەگٸزدە, تٷرلٸ كەسٸبي دەڭگەيلەر مەن تاراپتاردا تالقىلانعاننان كەيٸن عانا قابىلداناتىنىن جەتكٸزدٸ" دەيدٸ باسپاسٶز ٶكٸلدەرٸ.
ٶز كەزەگٸندە, ا. ٸسماقوۆا مينيسترلٸك تاراپىنان بەرٸلگەن تٷسٸنٸكتەمەلەر مەن تولىق مەلٸمەتتەردٸ ەستٸپ-كٶرگەننەن كەيٸن مەسەلەنٸڭ انىق-قانىعىنا كٶز جەتكٸزگەنٸن ايتقان. ول سوڭعى ۋاقىتتا تۋىنداعان جاعداي – مەسەلەنٸ جاڭساق ۇعىنۋ نەتيجەسٸ ەكەندٸگٸن مەلٸمدەگەن.
ال ناۋرىزدىڭ 7 جۇلدىزىندا استانادا, ەلٸمٸزدٸڭ قۇرمەتتٸ عالىمدارى, اكادەميكتەر سەرٸك قيراباەۆ پەن ەلييا بەيسەنوۆا بٸلٸم جەنە عىلىم مينيسترلٸگٸندە بولىپ قايتتى.
عالىمدىردىڭ مينيستر ەرلان ساعاديەۆپەن ٶتكەن كەزدەسۋٸندە دە قازاق تٸلٸنٸڭ دامۋ مەسەلەلەرٸ قوزعالدى. ە. ساعاديەۆ مينيسترلٸكتٸڭ وسى باعىتتا جاساپ جاتقان ٸستەرٸ, الداعى جوسپارلارى تۋرالى مەلٸمدەپ, قازاق تٸلٸن وقىتۋدىڭ جاڭا مەتوديكاسى تۋرالى باياندادى.
سونىمەن قاتار ول مينيسترلٸكتٸڭ تاپسىرىسىمەن احمەت بايتۇرسىنۇلى اتىنداعى تٸل بٸلٸمٸ ينستيتۋتى ماماندارىنىڭ دايىنداعان قازاق تٸلٸنٸڭ تۇڭعىش جيٸلٸك سٶزدٸگٸن ۇسىنىپ, كٸتاپتىڭ سٷيٸنشٸ داناسىن سىيعا تارتقان.
"سەرٸك قيراباەۆ پەن ەلييا بەيسەنوۆا بٸلٸم سالاسىنىڭ مەسەلەلەرٸن ساياسي نەگٸزدە قاراستىرىپ, يا بولماسا جەكە باس مٷددەلەرٸن كٶزدەپ, جۇرتشىلىقتى جاڭىلدىراتىن ادامداردىڭ ٸس-ەرەكەتتەرٸنە نارازىلىعىن بٸلدٸردٸ. كەزدەسۋ سوڭىندا ولار بٸلٸم جەنە عىلىم مينيسترلٸگٸنٸڭ جوسپارلاعان قادامدارىن قولدايتىندىعىن ايتتى" دەلٸنگەن حابارلامادا.
