6 naýryz kúni Almatyda Qazaqstan Ulttyq Ǵylym Akademiiasynyń prezidenti Mýrat Jurynov bir top akademiktermen kezdesý ótkizdi, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
UǴA músheleri taiaýda ótken akademiianyń 70 jyldyq mereitoiyna arnalǵan saltanatty jinalys qorytyndylanyp, elimizde saiasi bilik reformalary men Elbasynyń Qazaqstan halqyna joldaýyndaǵy mindetterdi júzege asyrý máseleleri qaraldy.
Sonymen qatar ǵalymdar akademikterdiń memlekettik tildiń damýy týraly QR Premer-ministri B. Saǵyntaevqa, QR Memlekettik hatshysy G. Ábdiqalyqovaǵa jáne Prezident Ákimshiligi basshysynyń birinshi orynbasary M. Tájinge joldaǵan úndeý haty talqylandy. Bul máseleni talqylaýǵa QR Bilim jáne ǵylym ministrliginiń ókili – QR BǴM joǵary jáne joǵary oqý ornynan keiingi bilim departamenti direktorynyń orynbasary Gúlzat Kóbenova jáne filologiia ǵylymynyń doktory Aigúl Ismaqova da shaqyrylǵan.
"Talqylaý barysynda QR BǴM ókili qoldanystaǵy klassifikatordyń resmi nusqasyn usynyp, úndeýde atalǵan mamandyqtardyń óz qalpynda qalǵanyn, jáne osy mamandyqtar boiynsha jyl saiyn bólinetin granttardyń kóbeitilmese, azaitylmai bólinip jatqany týraly málimdedi. Sonymen qatar ol ministrliktiń árbir sheshiminiń tek alqaly negizde, túrli kásibi deńgeiler men taraptarda talqylanǵannan keiin ǵana qabyldanatynyn jetkizdi" deidi baspasóz ókilderi.
Óz kezeginde, A. Ismaqova ministrlik tarapynan berilgen túsiniktemeler men tolyq málimetterdi estip-kórgennen keiin máseleniń anyq-qanyǵyna kóz jetkizgenin aitqan. Ol sońǵy ýaqytta týyndaǵan jaǵdai – máseleni jańsaq uǵyný nátijesi ekendigin málimdegen.
Al naýryzdyń 7 juldyzynda Astanada, elimizdiń qurmetti ǵalymdary, akademikter Serik Qirabaev pen Áliia Beisenova Bilim jáne ǵylym ministrliginde bolyp qaitty.
Ǵalymdyrdyń ministr Erlan Saǵadievpen ótken kezdesýinde de qazaq tiliniń damý máseleleri qozǵaldy. E. Saǵadiev ministrliktiń osy baǵytta jasap jatqan isteri, aldaǵy josparlary týraly málimdep, qazaq tilin oqytýdyń jańa metodikasy týraly baiandady.
Sonymen qatar ol ministrliktiń tapsyrysymen Ahmet Baitursynuly atyndaǵy Til bilimi institýty mamandarynyń daiyndaǵan qazaq tiliniń tuńǵysh jiilik sózdigin usynyp, kitaptyń súiinshi danasyn syiǵa tartqan.
"Serik Qirabaev pen Áliia Beisenova bilim salasynyń máselelerin saiasi negizde qarastyryp, ia bolmasa jeke bas múddelerin kózdep, jurtshylyqty jańyldyratyn adamdardyń is-áreketterine narazylyǵyn bildirdi. Kezdesý sońynda olar bilim jáne ǵylym ministrliginiń josparlaǵan qadamdaryn qoldaityndyǵyn aitty" delingen habarlamada.
