بٷگٸن, 16 قاڭتاردا, قر مەدەنيەت جەنە اقپارات مينيسترٸ ايدا بالاەۆانىڭ قاتىسۋىمەن الماتىدا تۇراتىن ەدەبيەت پەن ٶنەر قايراتكەرلەرٸنە مەملەكەتتٸك ستيپەندييا تابىستالدى. بۇل تۋرالى قر مەدەنيەت جەنە اقپارات مينيسترلٸگٸ حابارلايدى.
مەملەكەت باسشىسىنىڭ ٶكٸمٸنە سەيكەس, 2024 جىلى مەملەكەتتٸك ستيپەنديياعا 75 ادام يە بولدى.
ايدا بالاەۆا ستيپەندييا يەگەرلەرٸن قۇتتىقتاپ, ولاردىڭ قازاق مەدەنيەتٸن دامىتۋعا زور ٷلەس قوسقانىن اتاپ ٶتتٸ. مينيستر شىعارماشىلىق زييالى قاۋىم مەدەني بٸرەگەيلٸكتٸ ساقتاۋ, ەل بٸرلٸگٸن نىعايتۋ جەنە ۇلتتىق قۇندىلىقتاردى ناسيحاتتاۋ ٸسٸندە ماڭىزدى رٶل اتقاراتىنىن ايتتى.
«پرەزيدەنت قاسىم-جومارت كەمەلۇلى توقاەۆتىڭ ۇلتتىق رۋحانييات تۋرالى ٷنەمٸ ايتىپ, ونىڭ ەلدٸك جولىنداعى وراسان كٷشٸ مەن مول مٷمكٸندٸكتەرٸنە قوعامنىڭ نازارىن اۋدارىپ جٷرگەنٸ مەلٸم.
جىلداعى حالىققا ارناعان جولداۋلارى, ۇلتتىق قۇرىلتايداعى باستامالارى, تٷرلٸ سۇقباتتارىنىڭ ٶزەگٸندە – تەۋەلسٸزدٸك پەن وتانشىلدىق, بٸرلٸك پەن ىنتىماق, ەدٸلدٸك پەن جاۋاپكەرشٸلٸك, زاڭ مەن تەرتٸپ, جاسامپازدىق پەن جاڭاشىلدىق سيياقتى بٷگٸنگٸ قازاقستانعا اۋاداي قاجەت قۇندىلىقتار جاتىر!
حالىقتى بٸرلٸككە شاقىرۋ, تاتۋلىقتى نىعايتۋ, جاس ۇرپاققا ٸزگٸ قۇندىلىقتاردى سٸڭٸرۋ – مٸنە, بۇل سٸز بەن بٸزدٸڭ, ياعني, زييالى ورتا مەن مەملەكەتتٸڭ ورتاق مٷددەسٸ», – دەدٸ مينيستر.
ايدا بالاەۆا مەملەكەت باسشىسىنىڭ بارلىق باستامالارى ەڭ الدىمەن ۇلت بٸرلٸگٸن قالىپتاستىرۋعا, مەملەكەتتٸ نىعايتۋعا جەنە ازاماتتاردىڭ ەل-اۋقاتىن ارتتىرۋعا باعىتتالعانىن اتاپ ٶتتٸ.
«ەلدٸكتٸڭ مەرتەبەسٸن ارتتىرۋدا ٶزدەرٸڭٸزدەي مەدەنيەت مايتالماندارىنا, شىعارماشىل قاۋىم ٶكٸلدەرٸنە جٷكتەلەر مٸندەتتٸڭ دە اۋقىمى زور. ەرينە, وسى جولدا زييالى قاۋىم ٶكٸلدەرٸ پرەزيدەنتٸمٸزگە تٸرەك بولىپ, قاشاندا قولداۋ بٸلدٸرەتٸندٸگٸنە كٷمەنٸمٸز جوق. ەڭ باستىسى – وسى يگٸ باعىتتا جۇدىرىقتاي جۇمىلىپ, ەل مٷددەسٸ ٷشٸن ايانباي قىزمەت ەتۋ. مەملەكەت ٶز تاراپىنان مەدەنيەت مايتالماندارىنىڭ شىعارماشىلىعىن قولداۋدى جٷيەلٸ تٷردە جالعاستىرا بەرەدٸ», – دەدٸ مينيستر.
ستيپەندييا يەگەرلەرٸ قاتارىندا اسانەلٸ ەشٸموۆ, بيبٸگٷل تٶلەگەنوۆا, ولجاس سٷلەيمەنوۆ, يرانبەك ورازباەۆ, نۇرعالي نٷسٸپجان, تۇڭعىشباي جامانقۇلوۆ, مەرۋەرت ٶتەكەشەۆا, اماندوس اقاناەۆ, دۋلات يسابەكوۆ, تٶلەن ەبدٸكۇلى, تاتيانا تارسكايا, گۋلۆەر رازيەۆا جەنە باسقا دا كٶرنەكتٸ مەدەنيەت قايراتكەرلەرٸ بار.
