بۇقارالىق اقپارات قۇرالدارى قىزمەتكەرلەرٸ كٷنٸنە وراي قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا جۋرناليستەردٸ كەسٸبي مەرەكەمەن قۇتتىقتاپ, اقپارات سالاسىنىڭ قوعامداعى رٶلٸنە توقتالدى, دەپ حابارلايدى ult.kz.
مينيستر ٶز قۇتتىقتاۋىندا اقپارات كەڭٸستٸگٸنٸڭ قارقىندى ٶزگەرٸپ جاتقانىن ايتىپ, جاڭا تەحنولوگييالار, ەلەۋمەتتٸك جەلٸلەر, جاساندى ينتەللەكت پەن ديپفەيكتەر جۋرناليستەرگە تىڭ مٸندەتتەر جٷكتەپ وتىرعانىن اتاپ ٶتتٸ.
سونىمەن قاتار ول كەسٸبي جۋرناليستيكانىڭ نەگٸزگٸ قاعيداتتارى ٶزگەرمەيتٸنٸن جەتكٸزدٸ.
– اۋديتورييانىڭ سەنٸمٸ, قوعام الدىنداعى ادالدىق جەنە جارييالانعان ەربٸر اقپاراتقا دەگەن جاۋاپكەرشٸلٸك – جۋرناليستيكانىڭ باستى قۇندىلىقتارى بولىپ قالا بەرەدٸ, – دەدٸ ايدا بالاەۆا.
مينيستر مەملەكەت باسشىسىنىڭ «قالام ەلدٸ تٷزەيدٸ» دەگەن سٶزٸن ەسكە الىپ, جۋرناليستيكانىڭ قوعامدى ۇيىستىرۋداعى, اقيقاتتى جەتكٸزۋدەگٸ جەنە وڭ ٶزگەرٸستەرگە باستايتىن ماڭىزدى كٷش ەكەنٸن ايتتى.
جاڭا كونستيتۋتسييا جەنە باق-تىڭ رٶلٸ
ايدا بالاەۆا بيىل ەل ٷشٸن تاريحي ماڭىزى بار كەزەڭ باستالاتىنىن اتاپ ٶتتٸ. ونىڭ ايتۋىنشا, 1 شٸلدەدەن باستاپ كٷشٸنە ەنەتٸن جاڭا كونستيتۋتسييا زاڭ ٷستەمدٸگٸن نىعايتۋعا, ازاماتتاردىڭ قۇقىقتارى مەن بوستاندىقتارىن قورعاۋعا, مەملەكەتتٸك ينستيتۋتتاردىڭ اشىقتىعى مەن جاۋاپكەرشٸلٸگٸن ارتتىرۋعا باعىتتالعان.
مينيستردٸڭ سٶزٸنشە, اتا زاڭداعى ٶزگەرٸستەر مەديا سالاسىنىڭ ماڭىزىن ودان ەرٸ ارتتىرادى. كونستيتۋتسييادا سٶز بوستاندىعى, ازاماتتاردىڭ شىنايى اقپارات الۋ قۇقىعى, دەربەس دەرەكتەردٸ قورعاۋ جەنە اقپارات تاراتۋداعى جاۋاپكەرشٸلٸككە قاتىستى ماڭىزدى قاعيداتتار بەكٸتٸلگەن.
200 جۋرناليست باسپانامەن قامتىلدى
مينيستردٸڭ مەلٸمەتٸنشە, مەملەكەت اقپارات سالاسى قىزمەتكەرلەرٸن قولداۋعا ەرەكشە كٶڭٸل بٶلٸپ كەلەدٸ.
سوڭعى ٷش جىلدا استانادا 200 جۋرناليستكە باسپانا بەرٸلگەن. ال بيىل ەلٸمٸزدٸڭ بارلىق ٶڭٸرٸنەن, ونىڭ ٸشٸندە ٶڭٸرلٸك بۇقارالىق اقپارات قۇرالدارىنىڭ 66 قىزمەتكەرٸنە پەتەر كٸلتٸ تابىستالادى.
سٶز سوڭىندا ايدا بالاەۆا جۋرناليستەرگە ادال ەڭبەگٸ مەن كەسٸبيلٸگٸ ٷشٸن العىس ايتىپ, شىعارماشىلىق تابىس, زور دەنساۋلىق جەنە وتباسىلارىنا اماندىق تٸلەدٸ.
