مەملەكەت باسشىسى ن.ە. نازارباەۆتىڭ باعدارلامالىق ماقالاسىندا ۇلتتىق جاڭعىرۋ, ۇلتتىق كودتى ساقتاۋ مەسەلەسٸ ەل دامۋىنىڭ نەگٸزگٸ قاعيدالارىنىڭ بٸرٸ رەتٸندە قاراستىرىلادى. ۇلتتىق كودتى ساقتاۋ ٷشٸن سالت-دەستٷرلەرٸمٸزدٸ, تٸلٸمٸز بەن مۋزىكامىزدى, ەدەبيەتٸمٸز بەن جورالعىلارىمىزدى بولاشاق ۇرپاققا جەتكٸزۋ ٷشٸن ابايدىڭ دانالىعى, ەۋەزوۆتٸڭ عۇلامالىعى, جامبىلدىڭ جىرلارى مەن قۇرمانعازىنىڭ كٷيلەرٸ, عاسىرلار قويناۋىنان جەتكەن بابالار ٷنٸ – بٸر سٶزبەن ايتقاندا ۇلتتىق رۋحىمىز بويىمىزدا مەڭگٸ قالۋعا تيٸس.
وسى ورايدا ۋنيۆەرسيتەت رەكتورى تاكير وسپانۇلىنىڭ تاپسىرماسىمەن اعىمداعى جىلدىڭ 19-29 شٸلدە كٷندەرٸ ارالىعىندا بٸلٸم وردامىز بەن ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸ اراسىندا ٶزارا ىنتىماقتاستىقتى ورناتۋ, ۇلى اقىننىڭ مۇرالارىمەن تەرەڭٸرەك تانىسۋ ماقساتىندا تەربيە باسقارماسى جانىنداعى ەلەۋمەتتٸك بٶلٸم باسشىسى ە. شارعىنوۆ, «ابايتانۋ» ورتالىعىنىڭ ديرەكتورى ج. شويىمبەت جەنە 2 كۋرس دوكتورانتى ا. ەرجانوۆ ارنايى ٸس-ساپارمەن سەمەي قالاسىنداعى اباي مۇراجايىنا بارىپ قايتتى.
تانىمدىق ٸس-ساپار اباي مەن شەكەرٸم جاتقان قاسيەتتٸ ٶلكە جيدەبايدان باستاۋ الدى. جيدەبايداعى ابايدىڭ قورىق-مۋزەيٸندەگٸ جەنە ابايدىڭ نەمەرە ٸنٸسٸ, قازاق حالقىنىڭ ارداقتى اقىنى شەكەرٸم قۇدايبەردٸۇلىنىڭ سوڭعى قونىسى بولعان سايات قوراداعى قۇندى جەدٸگەرلەرمەن تانىسىپ, اباي مەن شەكەرٸمنٸڭ, ابايدىڭ ەجەسٸ زەرە, اناسى ۇلجاننىڭ قابٸرٸنە بارىپ زييارات ەتتٸ. ودان كەيٸن شەجٸرەلٸ شىڭعىستاۋ بٶكتەرٸنٸڭ تاريحىمەن تانىسىپ, مۇحتار ەۋەزوۆتىڭ تۋعان جەرٸ بٶرٸلٸگە دە ات باسىن تٸرەدٸ.
ونكٷندٸك ٸسساپار بارىسىندا سەمەيدەگٸ باس مۇراجايداعى «اباي جولى: الاشتى پاش ەتكەن ەلەمگە» جەنە جاڭادان اشىلعان «الاشقا اتىم شىققان ەسەت اقىن» اتتى كٶرمە زالدارىن, «الاش ارىستارى – م.ەۋەزوۆ» مۇراجاي-ٷيٸ عيماراتى جەنە اباي قۇنانبايۇلى بٸلٸم العان احمەت ريزا مەشٸت-مەدرەسەسٸن تاماشالادى.
الداعى ۋاقىتتا اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ مەن ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنٸڭ ٶزارا ىنتىماقتاستىعىن دامىتۋ جەنە شىعارماشىلىق قارىم-قاتىناستى نىعايتۋ ماقساتىندا مەموراندۋمعا قول قويىلىپ, ەكٸجاقتى ىنتىماقتاستىقتىڭ بەلگٸسٸ رەتٸندە مۋزەي قىزمەتكەرلەرٸنە ۋنيۆەرسيتەتٸمٸزدٸڭ تەربيە باسقارماسى شىعارعان «اباي ايتادى» جەنە «اباي لۇعاتى» اتتى تانىمدىق كٸتاپشالار سىيعا تارتىلدى.
ٶز كەزەگٸندە مۋزەي ۇجىمى قارا شاڭىراقتىڭ كٸتاپحانا قورىنا حەكٸم ابايدىڭ قازاق, ورىس, اعىلشىن جەنە قىتاي تٸلٸندە جارىق كٶرگەن ٶلەڭدەر جيناعىن تارتۋ ەتتٸ.
ٸسساپار سوڭىندا ۋنيۆەرسيتەت ٶكٸلدەرٸ الىپتاردىڭ اسىل مۇراسىن كٶپشٸلٸككە ناسيحاتتاپ جٷرگەن مۇراجايدىڭ عىلىمي قىزمەتكەرلەرٸنە ەڭبەكتە تابىس تٸلەپ, زور العىسىن بٸلدٸردٸ.
المات ەرجانوۆ,
ۇلت پورتالى
