Memleket basshysy N.Á. Nazarbaevtyń baǵdarlamalyq maqalasynda ulttyq jańǵyrý, ulttyq kodty saqtaý máselesi el damýynyń negizgi qaǵidalarynyń biri retinde qarastyrylady. Ulttyq kodty saqtaý úshin salt-dástúrlerimizdi, tilimiz ben mýzykamyzdy, ádebietimiz ben joralǵylarymyzdy bolashaq urpaqqa jetkizý úshin Abaidyń danalyǵy, Áýezovtiń ǵulamalyǵy, Jambyldyń jyrlary men Qurmanǵazynyń kúileri, ǵasyrlar qoinaýynan jetken babalar úni – bir sózben aitqanda ulttyq rýhymyz boiymyzda máńgi qalýǵa tiis.
Osy oraida ýniversitet rektory Takir Ospanulynyń tapsyrmasymen aǵymdaǵy jyldyń 19-29 shilde kúnderi aralyǵynda bilim ordamyz ben Abaidyń «Jidebai-Bórili» memlekettik qoryq-mýzeii arasynda ózara yntymaqtastyqty ornatý, uly aqynnyń muralarymen tereńirek tanysý maqsatynda Tárbie basqarmasy janyndaǵy Áleýmettik bólim basshysy E. Sharǵynov, «Abaitaný» ortalyǵynyń direktory J. Shoiymbet jáne 2 kýrs doktoranty A. Erjanov arnaiy is-saparmen Semei qalasyndaǵy Abai murajaiyna baryp qaitty.
Tanymdyq is-sapar Abai men Shákárim jatqan qasietti ólke Jidebaidan bastaý aldy. Jidebaidaǵy Abaidyń qoryq-mýzeiindegi jáne Abaidyń nemere inisi, qazaq halqynyń ardaqty aqyny Shákárim Qudaiberdiulynyń sońǵy qonysy bolǵan Saiat qoradaǵy qundy jádigerlermen tanysyp, Abai men Shákárimniń, Abaidyń ájesi Zere, anasy Uljannyń qabirine baryp ziiarat etti. Odan keiin shejireli Shyńǵystaý bókteriniń tarihymen tanysyp, Muhtar Áýezovtyń týǵan jeri Bórilige de at basyn tiredi.
Onkúndik issapar barysynda Semeidegi Bas murajaidaǵy «Abai joly: Alashty pash etken álemge» jáne jańadan ashylǵan «Alashqa atym shyqqan Áset aqyn» atty kórme zaldaryn, «Alash arystary – M.Áýezov» murajai-úii ǵimaraty jáne Abai Qunanbaiuly bilim alǵan Ahmet Riza meshit-medresesin tamashalady.
Aldaǵy ýaqytta Abai atyndaǵy Qazaq Ulttyq pedagogikalyq ýniversiteti men Abaidyń «Jidebai-Bórili» memlekettik qoryq-mýzeiiniń ózara yntymaqtastyǵyn damytý jáne shyǵarmashylyq qarym-qatynasty nyǵaitý maqsatynda memorandýmǵa qol qoiylyp, ekijaqty yntymaqtastyqtyń belgisi retinde mýzei qyzmetkerlerine ýniversitetimizdiń Tárbie basqarmasy shyǵarǵan «Abai aitady» jáne «Abai luǵaty» atty tanymdyq kitapshalar syiǵa tartyldy.
Óz kezeginde mýzei ujymy qara shańyraqtyń kitaphana qoryna Hákim Abaidyń qazaq, orys, aǵylshyn jáne qytai tilinde jaryq kórgen óleńder jinaǵyn tartý etti.
Issapar sońynda ýniversitet ókilderi alyptardyń asyl murasyn kópshilikke nasihattap júrgen murajaidyń ǵylymi qyzmetkerlerine eńbekte tabys tilep, zor alǵysyn bildirdi.
Almat Erjanov,
Ult portaly
