فوتو: kaztag.kz
جوعارى اۋديتورلىق پالاتانىڭ تٶراعاسى ناتاليا گودۋنوۆا جوبالىق-سمەتالىق قۇجاتتامانى دايىنداعان كەزدە بيۋدجەت اقشاسى تيٸمسٸز جۇمسالاتىنىن مەلٸمدەدٸ, دەپ حابارلايدى Sputnik قازاقستان سايتى.
ونىڭ ايتۋىنشا, بيۋدجەت قاراجاتىن تيٸمسٸز جۇمساۋ مەردٸگەرلەر مەن ٶنٸم بەرۋشٸلەر ارقىلى كٶبٸرەك جٷزەگە اسىرىلادى.
"وسىدان تٶرت جىل بۇرىن بٸز جوبالاۋ-سمەتالىق قۇجاتتامانى اسىرا باعالاۋ 30%-كە دەيٸن كٶتەرٸلگەنٸن, وسى سومانى جىلىنا تريلليون تەڭگە دەپ باعالادىق. ال قازٸر قۇرىلىس ماتەريالدارىنىڭ قىمباتتاعانىن, ينفلياتسييا دەڭگەيٸنٸڭ كٶتەرٸلگەنٸن پايدالانىپ, جوبالاردىڭ قىمباتتاۋى ەپيدەميياعا اينالدى جەنە بٸرنەشە تريلليونعا جەتتٸ. ال وسى اقشاعا شەشٸمٸن تاپپاي كەلە جاتقان اپاتتى جەنە ٷش اۋىسىمدى مەكتەپتەر سالۋ مەسەلەسٸن شەشۋگە, نەمەسە باسىم بٶلٸگٸنٸڭ جاعدايى مٷشكٸل جىلۋ ەلەكتر ورتالىقتارى مەن جىلۋ جەلٸلەرٸن جٶندەۋگە بولاتىن ەدٸ", - دەدٸ گودۋنوۆا مەجٸلٸس وتىرىسىندا.
ول ٷكٸمەت ەشقاشان قارجىلاندىرىلمايتىن جوبالاۋ-سمەتالىق قۇجاتتاماعا مٶر باسۋدى جالعاستىرىپ كەلە جاتقانىن اتاپ ٶتتٸ.
"مىسالى, 2017-2018 جىلدارى قۇنى 5,9 ملرد تەڭگەگە ەزٸرلەنگەن 292 جوبالاۋ-سمەتالىق قۇجاتتاما قاجەتسٸز بولىپ قالدى. بٸر سٶزبەن ايتقاندا, مەملەكەتتٸك ورگاندار رەسۋرستارى شەكتەۋلٸ بولا تۇرا, ارتىپ كەلە جاتقان قاجەتتٸلٸكتەردٸ قاناعاتتاندىرۋ ٶنەرٸن ەلٸ يگەرە قويعان جوق. سوندىقتان تاڭداپ الىنعان سالالىق ساياساتتى ٸسكە اسىرۋدا باسىمدىق پەن جٷيەلٸلٸك ماڭىزدى", - دەدٸ گودۋنوۆا.
