قازاقستاندا 2027 جىلدان باستاپ نەسيە بەرۋ تالاپتارى كٷشەيتٸلۋٸ مٷمكٸن. ۇلتتىق بانك حالىقتىڭ شامادان تىس قارىزعا باتۋىنىڭ الدىن الۋ ٷشٸن جاڭا شەكتەۋلەر ەنگٸزۋدٸ جوسپارلاپ وتىر, دەپ حابارلايدى ult.kz.
جاڭا ەرەجەگە سەيكەس, ازاماتتىڭ بارلىق نەسيەسٸ مەن ميكروكرەديتٸنٸڭ جالپى كٶلەمٸ ونىڭ سەگٸز جىلدىق تابىسىنان اسپاۋى تيٸس. ەگەر قارىز جٷكتەمەسٸ بەلگٸلەنگەن مەجەدەن جوعارى بولسا, بانك نەمەسە ميكروقارجى ۇيىمى جاڭا نەسيە بەرۋدەن باس تارتۋى مٷمكٸن.
ۇلتتىق بانكتٸڭ مەلٸمەتٸنشە, بۇل باستاما قارجى جٷيەسٸنٸڭ تۇراقتىلىعىن ساقتاپ, ازاماتتاردىڭ تٶلەم قابٸلەتٸن باقىلاۋدى كٷشەيتۋگە باعىتتالعان. سونىمەن قاتار, بانكتەردٸڭ تۇتىنۋشىلىق نەسيەنٸ رەتسٸز تاراتۋىنىڭ الدىن الۋ كٶزدەلٸپ وتىر.
مامانداردىڭ ايتۋىنشا, سوڭعى جىلدارى ەلدە سمارتفون, توي-تومالاق جەنە ٶزگە دە تۇرمىستىق قاجەتتٸلٸكتەر ٷشٸن نەسيە الاتىندار كٶبەيگەن. سونىڭ سالدارىنان بانكروتتىققا جٷگٸنەتٸن ازاماتتار سانى دا ارتىپ كەلەدٸ.
الايدا ساراپشىلار جاڭا تالاپتاردىڭ كەرٸ ەسەرٸ دە بولۋى مٷمكٸن ەكەنٸن ايتادى. كەيبٸر ەكونوميستەر مۇنداي شەكتەۋلەر شاعىن جەنە ورتا بيزنەسكە قيىندىق تۋدىرىپ, حالىقتىڭ بٸر بٶلٸگٸن بەيرەسمي قارىز كٶزدەرٸنە جٷگٸنۋگە يتەرمەلەۋٸ ىقتيمال ەكەنٸن ەسكەرتتٸ.
