قازاقستاندا ەسٸرتكٸ ٶندٸرٸپ, تاراتقان ۇيىمداسقان قىلمىستىق توپتىڭ مٷشەسٸ رەسەيدەن ەكستراديتسييالاندى. كٷدٸكتٸلەر زاڭسىز جولمەن تاپقان 1,8 ملرد تەڭگەدەن استام قاراجاتتى كريپتوايىرباستاۋ سەرۆيستەرٸ ارقىلى زاڭداستىرعان, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, قازاقستان ازاماتى تەمٸرتاۋ قالاسىندا اسا ٸرٸ مٶلشەردە پسيحوتروپتىق زاتتار ٶندٸرۋدٸ ۇيىمداستىرعان قىلمىستىق توپتىڭ قۇرامىندا بولعان. دايىن ٶنٸمدەر قاراعاندى وبلىسىندا تاراتىلعان.
تەرگەۋ بارىسىندا قىلمىستىق جولمەن الىنعان قاراجاتتى زاڭداستىرۋ ٷشٸن تٷرلٸ قارجىلىق وپەراتسييالار جٷرگٸزٸلگەنٸ انىقتالعان. ونىڭ ٸشٸندە كريپتوايىرباستاۋ سەرۆيستەرٸ ارقىلى 1,8 ملرد تەڭگەدەن استام اقشا زاڭداستىرىلعان.
سونىمەن قاتار كٷدٸكتٸلەر 600 ملن تەڭگەدەن استام قاراجاتقا جىلجىمايتىن مٷلٸك, بيزنەس نىساندارى مەن كٶلٸك ساتىپ العان. بۇل اكتيۆتەردٸ مەملەكەت كٸرٸسٸنە اينالدىرۋ ماقساتىندا ولارعا تىيىم سالىنعان.
قىلمىستىق توپ مٷشەلەرٸنەن 10 كەلٸگە جۋىق مەفەدرون تەركٸلەنگەن. قازٸر توپتىڭ كەيبٸر مٷشەلەرٸنە قاتىستى قىلمىستىق ٸس سوتتا قارالىپ جاتىر.
قۇقىق قورعاۋ ورگاندارىنان جاسىرىنعان قىلمىستىق توپ مٷشەلەرٸ, ونىڭ ٸشٸندە ەكستراديتسييالانعان كٷدٸكتٸ دە حالىقارالىق ٸزدەۋگە جارييالانعان.
كٷدٸكتٸ 2025 جىلدىڭ قازان ايىندا رەسەيدە ۇستالعان. قازاقستان باس پروكۋراتۋراسىنىڭ سۇراۋى بويىنشا ول ەلگە ەكستراديتسييالانىپ, قازٸر تەرگەۋ يزولياتورىنا قامالدى.
وعان تاعىلعان قىلمىستار بويىنشا مٷلكٸن تەركٸلەي وتىرىپ, 20 جىلعا دەيٸن باس بوستاندىعىنان ايىرۋ جازاسى قاراستىرىلعان.
بۇعان دەيٸن وسى قىلمىستىق توپتىڭ تاعى بٸر بەلسەندٸ مٷشەسٸ گرۋزييادان قازاقستانعا ەكستراديتسييالانعان.
