الماتى وبلىسىندا جاسىرىن ەسٸرتكٸ زەرتحاناسى جويىلىپ, 125 مىڭ دوزا سينتەتيكالىق ەسٸرتكٸ تەركٸلەندٸ, دەپ حابارلايدى ult.kz.
Polisia.kz جازۋىنشا, ٸشكٸ ٸستەر مينيسترلٸگٸنٸڭ قىزمەتكەرلەرٸ الماتى وبلىسى قاراساي اۋدانىندا جۇمىس ٸستەگەن جاسىرىن ەسٸرتكٸ زەرتحاناسىن انىقتاپ, ونىڭ قىزمەتٸن توقتاتتى.
تەرگەۋ مەلٸمەتٸنشە, 29 جاستاعى كٷدٸكتٸ جەكە تۇرعىن ٷيدٸ سينتەتيكالىق ەسٸرتكٸ ٶندٸرەتٸن زەرتحاناعا اينالدىرعان. قاجەتتٸ جابدىقتار مەن حيمييالىق رەاگەنتتەر ينتەرنەتتٸڭ كٶلەڭكەلٸ سەگمەنتٸ ارقىلى جەتكٸزٸلٸپ وتىرعان.
تٸنتۋ بارىسىندا 28 كەلٸدەن استام α-PVP سينتەتيكالىق ەسٸرتكٸسٸ, 880 ليتر پرەكۋرسور جەنە ارنايى زەرتحانالىق جابدىقتار تەركٸلەندٸ.
قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى ەلدار ەبدٸكەنوۆتٸڭ ايتۋىنشا, تەركٸلەنگەن سينتەتيكالىق ەسٸرتكٸ شامامەن 125 مىڭ بٸر رەتتٸك دوزاعا تەڭ. پوليتسييانىڭ جەدەل ەرەكەتٸنٸڭ ارقاسىندا بۇل قاۋٸپتٸ ٶنٸم زاڭسىز اينالىمعا تٷسپەي, مىڭداعان ادامنىڭ ەسٸرتكٸگە تەۋەلدٸ بولۋىنا جول بەرٸلمەدٸ.
اتالعان دەرەك بويىنشا قىلمىستىق كودەكستٸڭ 297-1-بابى بويىنشا سوتقا دەيٸنگٸ تەرگەپ-تەكسەرۋ باستالدى. بۇل باپ ٶمٸر بويىنا باس بوستاندىعىنان ايىرۋ جازاسىن قاراستىرادى.
