Almaty oblysynda jasyryn esirtki zerthanasy joiylyp, 125 myń doza sintetikalyq esirtki tárkilendi, dep habarlaidy ult.kz.
Polisia.kz jazýynsha, Ishki ister ministrliginiń qyzmetkerleri Almaty oblysy Qarasai aýdanynda jumys istegen jasyryn esirtki zerthanasyn anyqtap, onyń qyzmetin toqtatty.
Tergeý málimetinshe, 29 jastaǵy kúdikti jeke turǵyn úidi sintetikalyq esirtki óndiretin zerthanaǵa ainaldyrǵan. Qajetti jabdyqtar men himiialyq reagentter internettiń kóleńkeli segmenti arqyly jetkizilip otyrǵan.
Tintý barysynda 28 keliden astam α-PVP sintetikalyq esirtkisi, 880 litr prekýrsor jáne arnaiy zerthanalyq jabdyqtar tárkilendi.
QR IIM Esirtki qylmysyna qarsy is-qimyl komiteti tóraǵasynyń orynbasary Eldar Ábdikenovtiń aitýynsha, tárkilengen sintetikalyq esirtki shamamen 125 myń bir rettik dozaǵa teń. Politsiianyń jedel áreketiniń arqasynda bul qaýipti ónim zańsyz ainalymǵa túspei, myńdaǵan adamnyń esirtkige táýeldi bolýyna jol berilmedi.
Atalǵan derek boiynsha Qylmystyq kodekstiń 297-1-baby boiynsha sotqa deiingi tergep-tekserý bastaldy. Bul bap ómir boiyna bas bostandyǵynan aiyrý jazasyn qarastyrady.
