فرانتسييانىڭ جەر دەپارتامەنتٸندەگٸ فلورانس قالاشىعىندا جوعالىپ كەتكەن 11 جاستاعى لياننانىڭ مەيٸتٸ بٸر اپتادان كەيٸن تۋعان قالاسىنا جاقىن جەردەن تابىلدى. قىزدىڭ جوعالۋىنا قاتىستى تەرگەۋ بارىسىندا انىقتالعان جايتتار ەلدٸڭ ەدٸلەت مينيسترٸن دە شوشىتقان, دەپ حابارلايدى ult.kz.
لياننا ٶتكەن جۇما كٷنٸ جوعالىپ كەتكەن. ونىڭ دەنەسٸ بەيسەنبٸ كٷنٸ تابىلعان.
قىزدى سوڭعى رەت كوللەدجدەن شىققان كەزدە قۇربىسىنىڭ ەكەسٸمەن بٸرگە كٶرگەن. كۋەگەرلەردٸڭ ايتۋىنشا, ول 41 جاستاعى جەروم بارەللانىڭ كٶلٸگٸنە وتىرعان. وسىدان كەيٸن قىزدان حابار بولماعان.
لياننانى ٶتكەن جۇمادان بەرٸ جاندارمەرييانىڭ كٷشەيتٸلگەن جاساقتارى, جەرگٸلٸكتٸ تۇرعىنداردان قۇرالعان ەرٸكتٸلەر, بالىقشىلار, اڭشىلار جەنە ات سپورتى كلۋبىنىڭ مٷشەلەرٸ ٸزدەگەن.
كٷن ٶتكەن سايىن قىزدى تٸرٸ تابۋعا دەگەن ٷمٸت ازايىپ, 41 جاستاعى جەروم بارەللاعا قاتىستى كٷدٸك كٷشەيە تٷستٸ.
كٷدٸكتٸ ۇستالىپ, ونىڭ كٶلٸگٸ ساراپتاما جٷرگٸزۋ ٷشٸن تەركٸلەندٸ.
تەرگەۋشٸلەر ونىڭ ٶتكەن ٶمٸرٸن تەكسەرۋ بارىسىندا باسقا بالالاردىڭ اتا-انالارى تاراپىنان سەكسۋالدىق سيپاتتاعى زورلىق-زومبىلىققا قاتىستى كەمٸندە ەكٸ شاعىم تٷسكەنٸن انىقتاعان. سونىمەن قاتار, قۇزىرلى ورگاندارعا ەكٸ رەت ەسكەرتۋ حابارلاماسى جولدانعان. الايدا بۇل مەلٸمەتتەرگە تيٸستٸ دەڭگەيدە نازار اۋدارىلماعان, ال كٷدٸكتٸ بٸردە-بٸر رەت جاۋاپ الۋعا شاقىرىلماعان.
فرانتسييانىڭ ەدٸلەت مينيسترٸ جەرالد دارمانەن بۇل ٸسكە بايلانىستى «قاتتى شوشىعانىن» مەلٸمدەدٸ. ونىڭ پٸكٸرٸنشە, قۇقىق قورعاۋ جەنە سوت جٷيەسٸندە ەلەۋلٸ ولقىلىقتارعا جول بەرٸلگەن.
مينيستر ەسٸرەسە ٸستەردٸڭ تٷرلٸ پروكۋراتۋرالار اراسىندا باياۋ بەرٸلگەنٸن جەنە جەروم بارەللاعا قاتىستى بۇرىنعى ٸستەر بويىنشا تەرگەۋدٸڭ تىم ۇزاققا سوزىلعانىن سىنعا الدى. ول وسى جاعدايلارعا بايلانىستى باستالعان ەكٸمشٸلٸك تەكسەرۋدٸڭ قورىتىندىسى جارييالاناتىنىن ايتتى.
تەرگەۋ دەرەكتەرٸنە سەيكەس, 2017 جىلدىڭ جەلتوقسانىندا 17 جاستاعى قىزدىڭ بارەللامەن قارىم-قاتىناستا بولعانى تۋرالى حابار تٷسكەن. الايدا 2018 جىلى قىزدىڭ بەرٸ ٶز كەلٸسٸمٸمەن بولعانىن ايتۋىنا بايلانىستى ٸس جابىلعان.
2022 جىلدىڭ قاڭتارىندا جەروم بارەللاعا قارسى تاعى بٸر شاعىم تٷسٸپ, وندا ول 2020 جىلى 15 جاستاعى جاسٶسپٸرٸمدٸ زورلادى دەپ ايىپتالعان. ٸس ٶڭٸرلٸك پروكۋراتۋراعا بەرٸلگەنٸمەن, 2024 جىلى دەلەلدەردٸڭ جەتكٸلٸكسٸزدٸگٸنە بايلانىستى توقتاتىلعان.
بۇدان بٶلەك, 2025 جىلدىڭ 22 تامىزىندا 2014 جىلى تۋعان قىزدىڭ اناسى بارەللانى ٶز بالاسىن 2024 جىلدىڭ قىركٷيەگٸ مەن 2025 جىلدىڭ مامىرى ارالىعىندا بٸرنەشە رەت زورلادى دەپ ايىپتاعان. بۇل تۋرالى پروكۋرور مەلٸمدەدٸ.
ال فرانتسييانىڭ ٸشكٸ ٸستەر مينيسترٸ لوران نۋنەس پارلامەنتتە سٶيلەگەن سٶزٸندە اتالعان ٸستەردٸڭ قالاي قارالعانىن جان-جاقتى تەكسەرۋ ٷشٸن ەدٸلەت مينيسترلٸگٸنەن ارنايى تەرگەۋ جٷرگٸزۋدٸ سۇراعانىن ايتتى.
