اقتٶبەدە پوليتسييا ينتەرنەت-الاياقتاردىڭ قىلمىستىق كٸرٸسٸن قولما-قول اقشاعا اينالدىرۋ ٷشٸن بانك كارتالارىن زاڭسىز اينالىمعا ەنگٸزگەن كٷدٸكتٸنٸ ۇستادى, دەپ حابارلايدى ult.kz.
Polisia.kz جازۋىنشا, تەرگەۋ مەلٸمەتٸنشە, كٷدٸكتٸ 18–25 جاس ارالىعىنداعى جاستاردان بانك كارتالارىن 20–30 مىڭ تەڭگەگە ساتىپ الىپ, كەيٸن ولاردى ٷشٸنشٸ تۇلعالارعا ساتىپ وتىرعان. بۇل كارتالار الاياقتىق جولمەن الىنعان قاراجاتتى قولما-قول اقشاعا اينالدىرۋ ٷشٸن پايدالانىلعان.
الدىن الا ەسەپ بويىنشا, اتالعان كارتالار ارقىلى شامامەن 10 ميلليون تەڭگە زاڭسىز اينالىمعا جٸبەرٸلگەن. كٷدٸكتٸ ۋاقىتشا ۇستاۋ يزولياتورىنا قامالدى, تەرگەۋ جالعاسىپ جاتىر.
جىل باسىنان بەرٸ اقتٶبە وبلىسىندا ينتەرنەت-الاياقتىققا قاتىسى بار 60-تان استام دروپپەر انىقتالعان. پوليتسييا بانك كارتالارى مەن شوت دەرەكتەرٸن بٶگدە ادامدارعا بەرمەۋگە شاقىردى.
