26 қар, 2021 сағат 11:36

Берік Әбдіғалиұлы халықаралық «Қазақ тілі» қоғамының президенті болып сайланды

Халықаралық «Қазақ тілі» қоғамының жаңа президенті сайланды. Бұл қызметті Мәжіліс депутаты Берік Әбдіғалиұлы атқаратын болады, деп хабарлайды ҚазАқпарат.

Сонымен қатар Түркістан қаласында өтіп жатқан құрылтайда қоғамның вице-президенттері болып Максим Рожин мен Анар Фазылжанова сайланды.

Сонымен қатар келелі басқосуда қазақ тілінің қоғамдағы ролін дамыту талқыланып, тілге қатысты заңға өзгерістер енгізу ұсынылды.

Айта кетейік, бүгін Түркістан қаласында Халықаралық «Қазақ тілі» қоғамының құрылтайы өтуде. Ауқымды шараға Мемлекеттік хатшы Қырымбек Көшербаев, Премьер-Министрдің орынбасары Ералы Тоғжанов, сондай-ақ Білім және ғылым министрі Асхат Аймағамбетов пен Парламент депутаттары қатысуда. Еліміздің барлық өңірінен келген қоғам қайраткерлері мен зиялы қауым өкілдерінің, облыстар мен қала басшылары бастаған тіл жанашырлары өзекті мәселені өзара талқыға салуда.