Aqtóbede qoǵamda qyzý talqyǵa túsken jylqyshy Rahat Sársenovtiń isine qatysty sharýa qojalyǵynyń iesi Tájiǵali Eleýov taǵy da málimdeme jasady. Ol áleýmettik jelide taraǵan pikirlerge jaýap berip, oqiǵaǵa qatysty óz nusqasyn baiandady, dep habarlaidy ult.kz.
Tájiǵali Eleýov jumysshysyna 150 iyń aqy tóleýin túsindirdi.
“150 myń ailyq pa deidi. Onyń 20 iri qara maly bar. Meniń moinymda olardyń jem-shóbi bar. 20 maly meniń malymmen birge jaiylady. Ol malshynyń aqysvn men ózim tóleimin. Aldyn osylai ailyǵymyzdy kóter degen. Keiin men jem-shópterińniń aqshasyn ózderiń tóleńder dedim. Olar osy ailyqqa ómir súre beretinin aitty” , - deidi kásipker.
Aita keteiik, Tájiǵali Eleýov bul máselege qatysty buǵan deiin de túsinikteme bergen. Ol áleýmettik jelide tarap jatqan aqparattyń birjaqty ekenin aityp, oqiǵanyń mán-jaiyn óz tarapynan túsindirýge tyrysqan.
Al Rahat Sársenovtiń eńbek jaǵdaiyna qatysty qoǵamda túrli pikir qalyptasyp, oqiǵaǵa bailanysty kásipkerdiń áreketi men jumysshyǵa tólenetin aqy máselesi qyzý talqylanǵan.
