Aqtóbe oblysynda qoǵamda úlken rezonans týdyrǵan jylqyshy Rahat Sársenovke qatysty daýǵa bailanysty onyń burynǵy jumys berýshisi Tájiǵali Eleýov óz kózqarasyn jariia etti, dep habarlaidy ult.kz.
Tájiǵali Eleýovtiń aitýynsha, áleýmettik jeliler men keibir aqparat quraldarynda aitylǵan birqatar málimetter shyndyqqa sáikes kelmeidi. Ol Rahat Sársenovtiń birneshe balasy baryn, jyldar boiy óz sharýashylyǵynda jumys istegenin aityp, «quldyqta boldy» degen pikirmen kelispeitinin jetkizdi.
Sondai-aq ol Sársenovtiń jumystan uzaq ýaqyt araq iship qalyp qoiatyn kezderi bolǵanyn, al insýlt alǵannan keiin aýrýhanada jatqan kezinde basqa jylqyshyǵa telefon shalyp, ózine tiesili jylqylardyń bir bóligin aidap ketýdi tapsyrǵanyn málimdedi.
Eleýovtiń sózinshe, atalǵan oqiǵadan keiin 39 bas jylqy aidalyp ketken, onyń 13-i soiylyp jatqan jerinen politsiia anyqtap, kináliler jaýapkershilikke tartylǵan. Budan bólek, ol Rahat Sársenovtiń balalarynyń toilaryn ótkizýge kómekteskenin, otbasysyna qoldaý kórsetkenin de aitty.
Sonymen qatar jumys berýshi jylqyshynyń «14 bastan 1700 basqa deiin jylqy ósirdim» degen málimdemesin joqqa shyǵaryp, Sársenovtiń birneshe tabynnyń ishindegi shamamen 360 basqa ǵana jaýapty bolǵanyn alǵa tartty. Onyń aitýynsha, 2019 jyly joǵalǵan 60 bas jylqy men keiin joǵalǵan taǵy 40 basqa qatysty máseleler de sheshilmegen.
