اقتٶبە وبلىسىندا قوعامدا ٷلكەن رەزونانس تۋدىرعان جىلقىشى راحات سەرسەنوۆكە قاتىستى داۋعا بايلانىستى ونىڭ بۇرىنعى جۇمىس بەرۋشٸسٸ تەجٸعالي ەلەۋوۆ ٶز كٶزقاراسىن جارييا ەتتٸ, دەپ حابارلايدى ult.kz.
تەجٸعالي ەلەۋوۆتٸڭ ايتۋىنشا, ەلەۋمەتتٸك جەلٸلەر مەن كەيبٸر اقپارات قۇرالدارىندا ايتىلعان بٸرقاتار مەلٸمەتتەر شىندىققا سەيكەس كەلمەيدٸ. ول راحات سەرسەنوۆتٸڭ بٸرنەشە بالاسى بارىن, جىلدار بويى ٶز شارۋاشىلىعىندا جۇمىس ٸستەگەنٸن ايتىپ, «قۇلدىقتا بولدى» دەگەن پٸكٸرمەن كەلٸسپەيتٸنٸن جەتكٸزدٸ.
سونداي-اق ول سەرسەنوۆتٸڭ جۇمىستان ۇزاق ۋاقىت اراق ٸشٸپ قالىپ قوياتىن كەزدەرٸ بولعانىن, ال ينسۋلت العاننان كەيٸن اۋرۋحانادا جاتقان كەزٸندە باسقا جىلقىشىعا تەلەفون شالىپ, ٶزٸنە تيەسٸلٸ جىلقىلاردىڭ بٸر بٶلٸگٸن ايداپ كەتۋدٸ تاپسىرعانىن مەلٸمدەدٸ.
ەلەۋوۆتٸڭ سٶزٸنشە, اتالعان وقيعادان كەيٸن 39 باس جىلقى ايدالىپ كەتكەن, ونىڭ 13-ٸ سويىلىپ جاتقان جەرٸنەن پوليتسييا انىقتاپ, كٸنەلٸلەر جاۋاپكەرشٸلٸككە تارتىلعان. بۇدان بٶلەك, ول راحات سەرسەنوۆتٸڭ بالالارىنىڭ تويلارىن ٶتكٸزۋگە كٶمەكتەسكەنٸن, وتباسىسىنا قولداۋ كٶرسەتكەنٸن دە ايتتى.
سونىمەن قاتار جۇمىس بەرۋشٸ جىلقىشىنىڭ «14 باستان 1700 باسقا دەيٸن جىلقى ٶسٸردٸم» دەگەن مەلٸمدەمەسٸن جوققا شىعارىپ, سەرسەنوۆتٸڭ بٸرنەشە تابىننىڭ ٸشٸندەگٸ شامامەن 360 باسقا عانا جاۋاپتى بولعانىن العا تارتتى. ونىڭ ايتۋىنشا, 2019 جىلى جوعالعان 60 باس جىلقى مەن كەيٸن جوعالعان تاعى 40 باسقا قاتىستى مەسەلەلەر دە شەشٸلمەگەن.
