Astana mańyndaǵy Talapker aýylynda ótken báige kezinde 3 jasar bala aýyr jaraqat alyp, jansaqtaý bólimine tústi, dep habarlaidy ult.kz.
KTK arnasynyń habarlaýynsha, oqiǵa kezinde búldirshin segiz jasar ápkesimen birge úi mańynda oinap júrgen. Sol sátte aýyl kóshesinde at jarysy ótip jatqan. Aldyn ala málimet boiynsha, shabandozdyń aty balany qaǵyp ketken.
Dárigerler balaǵa ishki aǵzalardyń jaraqaty, bas-mi jaraqaty jáne qol súieginiń synýy diagnozdaryn qoiǵan. Ol birneshe kúrdeli otadan ótken.
Zardap shekken balanyń anasy kinálilerdiń zań aldynda jaýap berýin talap etip otyr. Onyń aitýynsha, oqiǵaǵa qatysy bar azamattar áli kúnge deiin keshirim suramaǵan.
Atalǵan fakti boiynsha politsiia qylmystyq is qozǵady. Qazirgi ýaqytta tergeý amaldary júrgizilýde. Kúdiktige qatysty elden ketpeý týraly bultartpaý sharasy qoldanylǵan.
Oqiǵanyń barlyq mán-jaiy tergeý barysynda anyqtalmaq.
