Otbasy kúnine orai aýdannyń ortalyq stadionynda «100 áje – 100 besik jyry» atty taǵylymdy is-shara uiymdastyryldy, dep habarlaidy ult.kz.
Erekshe jiynda aýdan ákiminiń orynbasary Ásel Qarjaýova turǵyndardy Otbasy kúnimen quttyqtap, ulttyq tárbie men salt-dástúrdi saqtaý barshaǵa ortaq mindet ekenin atap ótti.
- Búgingi is-sharanyń basty maqsaty - besik jyrynyń tárbielik mánin nasihattap, ulttyq qundylyqtarymyzdy jas urpaqqa jetkizý. Júz ájeniń bir mezette besik jyryn oryndaýy – urpaqtar sabaqtastyǵynyń jarqyn kórinisi. Osyndai taǵylymdy is-sharalar arqyly otbasyndaǵy áje tárbiesiniń rólin arttyryp, salt-dástúrimizdi dáripteýdi kózdeimiz, - dedi Ásel Qarjaýova.
Keleli jiynda halqymyzdyń ǵasyrlar boiy qalyptasqan salt-dástúri men tálim-tárbiesin dáripteitin kórinis usynyldy. Sondai-aq aq jaýlyqty ájeler nemerelerin besikke bólep, bir mezette besik jyryn oryndady.
Is-sharaǵa qatysýshy ájeler, bul ulttyq qundylyqtardy nasihattap, otbasy birligi men áje tárbiesiniń jas urpaq ómirindegi mańyzyn kórsetkendenin jetkizdi.
