وتباسى كٷنٸنە وراي اۋداننىڭ ورتالىق ستاديونىندا «100 ەجە – 100 بەسٸك جىرى» اتتى تاعىلىمدى ٸس-شارا ۇيىمداستىرىلدى, دەپ حابارلايدى ult.kz.
ەرەكشە جيىندا اۋدان ەكٸمٸنٸڭ ورىنباسارى ەسەل قارجاۋوۆا تۇرعىنداردى وتباسى كٷنٸمەن قۇتتىقتاپ, ۇلتتىق تەربيە مەن سالت-دەستٷردٸ ساقتاۋ بارشاعا ورتاق مٸندەت ەكەنٸن اتاپ ٶتتٸ.
- بٷگٸنگٸ ٸس-شارانىڭ باستى ماقساتى - بەسٸك جىرىنىڭ تەربيەلٸك مەنٸن ناسيحاتتاپ, ۇلتتىق قۇندىلىقتارىمىزدى جاس ۇرپاققا جەتكٸزۋ. جٷز ەجەنٸڭ بٸر مەزەتتە بەسٸك جىرىن ورىنداۋى – ۇرپاقتار ساباقتاستىعىنىڭ جارقىن كٶرٸنٸسٸ. وسىنداي تاعىلىمدى ٸس-شارالار ارقىلى وتباسىنداعى ەجە تەربيەسٸنٸڭ رٶلٸن ارتتىرىپ, سالت-دەستٷرٸمٸزدٸ دەرٸپتەۋدٸ كٶزدەيمٸز, - دەدٸ ەسەل قارجاۋوۆا.
كەلەلٸ جيىندا حالقىمىزدىڭ عاسىرلار بويى قالىپتاسقان سالت-دەستٷرٸ مەن تەلٸم-تەربيەسٸن دەرٸپتەيتٸن كٶرٸنٸس ۇسىنىلدى. سونداي-اق اق جاۋلىقتى ەجەلەر نەمەرەلەرٸن بەسٸككە بٶلەپ, بٸر مەزەتتە بەسٸك جىرىن ورىندادى.
ٸس-شاراعا قاتىسۋشى ەجەلەر, بۇل ۇلتتىق قۇندىلىقتاردى ناسيحاتتاپ, وتباسى بٸرلٸگٸ مەن ەجە تەربيەسٸنٸڭ جاس ۇرپاق ٶمٸرٸندەگٸ ماڭىزىن كٶرسەتكەندەنٸن جەتكٸزدٸ.
