22 mamyrǵa qaraǵan túni jýrnalist Botagóz Omarova buǵan deiin “VD Stroi-Injiniring” JShS men onyń basshysy Azamat Úsimbekovke qatysty jariialaǵan málimetterin resmi túrde teriske shyǵaratyn jazba jariialady. “Teristeý – aqparattyq hat” dep atalǵan málimdemede ol buryn taratqan aqparattarynyń shyndyqqa sáikes kelmeitinin moiyndap, kompaniia men onyń basshylyǵynan keshirim suraǵan., dep habarlaidy ult.kz.
"Men, Omarova Botagóz Qoshqynbaiqyzy, resmi jýrnalist ári Qazaqstan Jýrnalister odaǵynyń múshesi retinde, “VD Stroi-Injiniring” JShS men onyń direktory Ýsimbekovanyń qyzmetine qatysty buǵan deiin taratqan málimetterimdi resmi túrde joqqa shyǵaramyn. Atap aitqanda, 2026 jyldyń 20 aqpany men 7 naýryzy aralyǵynda Instagram jelisindegi jeke paraqshamda (101tv.kz) jáne “Aitpa, Botagóz” Telegram-arnasynda jariialanǵan jazbalarda “VD Stroi-Injiniring” JShS men onyń quryltaishysy ári direktory Ýsimbekov A.E. Astanadaǵy at sporty kesheniniń qurylysyna qatysqan “Remstroi-1” JShS qyzmetkerlerine qaryz bolyp, eńbekaqylaryn tólemei otyr degen jalǵan aqparat taratylǵan edi", – dep jazǵan Botagóz Omarova bul aqparattyń shyndyqqa janaspaitynyn málimdedi.
Ol aqparattyń shynaiylyǵy, obektivtiligi men beitaraptyǵy qaǵidalaryn, sondai-aq “Mass-media týraly” zańda kórsetilgen jýrnalistikanyń negizgi printsipterin elemegendigin moiyndaitynyny jazǵan.
"Kompaniia basshylyǵynyń qatysýymen maǵan “VD Stroi-Injiniring” JShS-niń “Remstroi-1” JShS aldynda qaryzy joq ekenin dáleldeitin qujattar kórsetildi. Soǵan qaramastan, men jalǵan aqparat jariialaýdy toqtatpadym. Osylaisha, jańa oqyrman jinap, aýditoriianyń qyzyǵýshylyǵyn arttyrmaq boldym. Saldarynan bul jariialanymdar “VD Stroi-Injiniring” JShS-niń jáne onyń quryltaishylarynyń quqyqtaryna, zańdy múddelerine ári iskerlik bedeline nuqsan keltirdi. Men bul isime shyn júrekten ókinemin jáne resmi túrde keshirim suraimyn", – delingen jazbada.
Sondai-aq jýrnalist jariialanymdardan kóńiline tigen nemese óziniń aqparattary arqyly jańsaq pikir qalyptastyrǵany úshin aýditoriiasynan keshirim surady.
Omarova Qylmystyq kodekstiń 274-babynda qarastyrylǵan kórineý jalǵan aqparat taratý normasyn buzǵanyn túsinetinin aitty. Ol áriptesterin kásibi standarttardy saqtaýǵa jáne aqparatty muqiiat tekserýge shaqyrdy.
Shynaiylyq, obektivtilik jáne aýditoriia aldyndaǵy jaýapkershilik qaǵidalaryn saqtaý jýrnalistikaǵa degen senimniń negizi ekenine jáne osyndai qatelikterdiń aldyn alýǵa múmkindik beretinine senimdimin.
Eske salsaq, «VD Stroy Engineering» kompaniiasynyń basshysy Azamat Úsimbekov ulysmedia-ǵa suqbat berip, óz pikirin bildirgeni týraly jazǵanbyz.
Aita keteiik, 21 naýryzda jýrnalistke qatysty kórineý jalǵan aqparat taratý faktisi boiynsha qylmystyq is qozǵalyp, ol úiqamaqqa alynǵan bolatyn. Keiin, 13 mamyrda ishki ister ministriniń orynbasary Sanjar Ádilov bul istiń jaqyn arada sotqa joldanatynyn habarlaǵan edi. Al 20 mamyrda Omarovanyń úiqamaq merziminiń uzartylǵany belgili boldy.
