22 مامىرعا قاراعان تٷنٸ جۋرناليست بوتاگٶز وماروۆا بۇعان دەيٸن “ۆد ستروي-ينجينيرينگ” جشس مەن ونىڭ باسشىسى ازامات ٷسٸمبەكوۆكە قاتىستى جارييالاعان مەلٸمەتتەرٸن رەسمي تٷردە تەرٸسكە شىعاراتىن جازبا جارييالادى. “تەرٸستەۋ – اقپاراتتىق حات” دەپ اتالعان مەلٸمدەمەدە ول بۇرىن تاراتقان اقپاراتتارىنىڭ شىندىققا سەيكەس كەلمەيتٸنٸن مويىنداپ, كومپانييا مەن ونىڭ باسشىلىعىنان كەشٸرٸم سۇراعان., دەپ حابارلايدى ult.kz.
"مەن, وماروۆا بوتاگٶز قوشقىنبايقىزى, رەسمي جۋرناليست ەرٸ قازاقستان جۋرناليستەر وداعىنىڭ مٷشەسٸ رەتٸندە, “ۆد ستروي-ينجينيرينگ” جشس مەن ونىڭ ديرەكتورى ۋسيمبەكوۆانىڭ قىزمەتٸنە قاتىستى بۇعان دەيٸن تاراتقان مەلٸمەتتەرٸمدٸ رەسمي تٷردە جوققا شىعارامىن. اتاپ ايتقاندا, 2026 جىلدىڭ 20 اقپانى مەن 7 ناۋرىزى ارالىعىندا Instagram جەلٸسٸندەگٸ جەكە پاراقشامدا (101tv.kz) جەنە “ايتپا, بوتاگٶز” Telegram-ارناسىندا جارييالانعان جازبالاردا “ۆد ستروي-ينجينيرينگ” جشس مەن ونىڭ قۇرىلتايشىسى ەرٸ ديرەكتورى ۋسٸمبەكوۆ ا.ە. استاناداعى ات سپورتى كەشەنٸنٸڭ قۇرىلىسىنا قاتىسقان “رەمستروي-1” جشس قىزمەتكەرلەرٸنە قارىز بولىپ, ەڭبەكاقىلارىن تٶلەمەي وتىر دەگەن جالعان اقپارات تاراتىلعان ەدٸ", – دەپ جازعان بوتاگٶز وماروۆا بۇل اقپاراتتىڭ شىندىققا جاناسپايتىنىن مەلٸمدەدٸ.
ول اقپاراتتىڭ شىنايىلىعى, وبەكتيۆتٸلٸگٸ مەن بەيتاراپتىعى قاعيدالارىن, سونداي-اق “ماسس-مەديا تۋرالى” زاڭدا كٶرسەتٸلگەن جۋرناليستيكانىڭ نەگٸزگٸ پرينتسيپتەرٸن ەلەمەگەندٸگٸن مويىندايتىنىنى جازعان.
"كومپانييا باسشىلىعىنىڭ قاتىسۋىمەن ماعان “ۆد ستروي-ينجينيرينگ” جشس-نٸڭ “رەمستروي-1” جشس الدىندا قارىزى جوق ەكەنٸن دەلەلدەيتٸن قۇجاتتار كٶرسەتٸلدٸ. سوعان قاراماستان, مەن جالعان اقپارات جارييالاۋدى توقتاتپادىم. وسىلايشا, جاڭا وقىرمان جيناپ, اۋديتورييانىڭ قىزىعۋشىلىعىن ارتتىرماق بولدىم. سالدارىنان بۇل جارييالانىمدار “ۆد ستروي-ينجينيرينگ” جشس-نٸڭ جەنە ونىڭ قۇرىلتايشىلارىنىڭ قۇقىقتارىنا, زاڭدى مٷددەلەرٸنە ەرٸ ٸسكەرلٸك بەدەلٸنە نۇقسان كەلتٸردٸ. مەن بۇل ٸسٸمە شىن جٷرەكتەن ٶكٸنەمٸن جەنە رەسمي تٷردە كەشٸرٸم سۇرايمىن", – دەلٸنگەن جازبادا.
سونداي-اق جۋرناليست جارييالانىمداردان كٶڭٸلٸنە تيگەن نەمەسە ٶزٸنٸڭ اقپاراتتارى ارقىلى جاڭساق پٸكٸر قالىپتاستىرعانى ٷشٸن اۋديتوريياسىنان كەشٸرٸم سۇرادى.
وماروۆا قىلمىستىق كودەكستٸڭ 274-بابىندا قاراستىرىلعان كٶرٸنەۋ جالعان اقپارات تاراتۋ نورماسىن بۇزعانىن تٷسٸنەتٸنٸن ايتتى. ول ەرٸپتەستەرٸن كەسٸبي ستاندارتتاردى ساقتاۋعا جەنە اقپاراتتى مۇقييات تەكسەرۋگە شاقىردى.
شىنايىلىق, وبەكتيۆتٸلٸك جەنە اۋديتورييا الدىنداعى جاۋاپكەرشٸلٸك قاعيدالارىن ساقتاۋ جۋرناليستيكاعا دەگەن سەنٸمنٸڭ نەگٸزٸ ەكەنٸنە جەنە وسىنداي قاتەلٸكتەردٸڭ الدىن الۋعا مٷمكٸندٸك بەرەتٸنٸنە سەنٸمدٸمٸن.
ەسكە سالساق, «VD Stroy Engineering» كومپانيياسىنىڭ باسشىسى ازامات ٷسٸمبەكوۆ ulysmedia-عا سۇقبات بەرٸپ, ٶز پٸكٸرٸن بٸلدٸرگەنٸ تۋرالى جازعانبىز.
ايتا كەتەيٸك, 21 ناۋرىزدا جۋرناليستكە قاتىستى كٶرٸنەۋ جالعان اقپارات تاراتۋ فاكتٸسٸ بويىنشا قىلمىستىق ٸس قوزعالىپ, ول ٷيقاماققا الىنعان بولاتىن. كەيٸن, 13 مامىردا ٸشكٸ ٸستەر مينيسترٸنٸڭ ورىنباسارى سانجار ەدٸلوۆ بۇل ٸستٸڭ جاقىن ارادا سوتقا جولداناتىنىن حابارلاعان ەدٸ. ال 20 مامىردا وماروۆانىڭ ٷيقاماق مەرزٸمٸنٸڭ ۇزارتىلعانى بەلگٸلٸ بولدى.
