Qazaqstandyq ziltemirgi Zýlfiia Chinshanlo Bahreinde ótken aýyr atletikadan Aziia chempionatynda jeńiske jetti, dep habarlaidy Olympic.kz.
Ol 55 kelige deiingi salmaq dárejesinde altyn medalǵa ie boldy. Qossaiys qorytyndysynda ol 220 (95+125) kilogramm kóterdi.
Ekinshi oryn qytailyq Linlý Liýǵa (210 keli) buiyrsa, úzdik úshtikti ózbek qyzy Nigora Abdýllaeva (193 kilogramm) túiindedi.
Aita keteiik, aýyr atletikadan 2022 jylǵy Aziia chempionaty 8-16 qazan aralyǵynda Manamada ótedi. Qurlyqtyq týrnirge 29 elden 186 sportshy qatysyp jatyr. Qazaqstan atynan 18 sportshy qatysady.
