قازاقستاندىق زٸلتەمٸرگٸ زۋلفييا چينشانلو باحرەيندە ٶتكەن اۋىر اتلەتيكادان ازييا چەمپيوناتىندا جەڭٸسكە جەتتٸ, دەپ حابارلايدى Olympic.kz.
ول 55 كەلٸگە دەيٸنگٸ سالماق دەرەجەسٸندە التىن مەدالعا يە بولدى. قوسسايىس قورىتىندىسىندا ول 220 (95+125) كيلوگرامم كٶتەردٸ.
ەكٸنشٸ ورىن قىتايلىق لينلۋ ليۋعا (210 كەلٸ) بۇيىرسا, ٷزدٸك ٷشتٸكتٸ ٶزبەك قىزى نيگورا ابدۋللاەۆا (193 كيلوگرامم) تٷيٸندەدٸ.
ايتا كەتەيٸك, اۋىر اتلەتيكادان 2022 جىلعى ازييا چەمپيوناتى 8-16 قازان ارالىعىندا مانامادا ٶتەدٸ. قۇرلىقتىق تۋرنيرگە 29 ەلدەن 186 سپورتشى قاتىسىپ جاتىر. قازاقستان اتىنان 18 سپورتشى قاتىسادى.
