Ziiatkerlik menshik obektileriniń keden tizilimine engizý erejeleri jeńildedi, dep habarlaidy "Ult aqparat" Memlekettik kirister komitetiniń baspasóz qyzmentine silteme jasap.
«Qazaqstan Respýblikasynyń keibir zańnamalyq aktilerine kedendik retteý jáne kásipkerlik qyzmet máseleleri boiynsha ózgerister men tolyqtyrýlar engizý týraly» Qazaqstan Respýblikasynyń 2021 jylǵy 5 qańtardaǵy № 407-VI QRZ Zańymen (budan ári – Zań) «Qazaqstan Respýblikasyndaǵy kedendik retteý týraly» kodeksinen 461-baptyń 3-tarmaǵynyń 3) tarmaqshasy alynyp tastaldy.
Buryn quqyq ielenýshiler ziiatkerlik menshigin EAEO keden shekarasy arqyly ótkizý faktisin rastaýy kerek bolatyn. Bul úrdis ziiatkerlik menshik obektileriniń kedendik tizilimine (budan ári - ZMOKT) engizý týraly ótinish berý kezinde qarastyrylǵan edi», delingen habarlamada.
Komitettiń málimdeýinshe, bul norma quqyq ieleri úshin ziiatkerlik menshik obektilerin tizilimge qosý kezinde kedergi bolatyn.
«Atalǵan norma Ziiatkerlik menshik obektileriniń kedendik tizilimine qana quqyq buzýshylyqtary anyqtalǵan ziiatkerlik menshik obektilerin ǵana qosýǵa múmkindik berdi. Al ziiatkerlik menshik obektisiniń iesi, ziiatkerlik menshik obektisin tizilimge qosý nietimen Qazaqstan naryǵyna alǵash ret kelgende, óziniń ziiatkerlik menshik obektilerine quqyǵyn qorǵaýǵa múmkindigi bolmady.
Qazir kedendik tizilimge qosýǵa ótinish bergen kezde quqyq ielenýshilerdiń Eýraziialyq ekonomikalyq odaqtyń keden shekarasy arqyly taýarlardy ótkizý faktisin rastaityn qujatty usynýy alynyp tastaldy», delingen habarlamada.
Zań 17 qańtardan bastap kúshine endi.
