Máskeýdiń shyǵys bóliginde jantúrshigerlik qylmys tirkeldi. Er adam óz týǵan qaryndasyn óltirip, máiitin bólshektep tastaǵan, dep habarlaidy ult.kz.
RIA málimetinshe, áieldiń dene bólikteri páter ishinen tabylǵan paketterdiń arasynan anyqtalǵan. Qylmysqa kúdikti retinde marqumnyń týǵan aǵasy ustaldy.
Tergeý barysynda kúdikti qaryndasyn turmystyq janjal kezinde óltirgenin moiyndaǵan. Onyń aitýynsha, ekeýiniń arasynda janjal týyndap, arty qaiǵyly oqiǵaǵa ulasqan. Keiin ol qylmystyń izin jasyrý úshin máiitti bólshektep, dene bólikterin paketterge salyp qoiǵan.
Qazir oqiǵanyń barlyq mán-jaiy anyqtalyp jatyr. Kúdikti qamaýǵa alynyp, oǵan qatysty adam óltirý baby boiynsha qylmystyq is qozǵaldy. Tergeýshiler qylmystyń naqty sebepteri men onyń qalai jasalǵanyn anyqtaýda.
Bul oqiǵa Máskeý turǵyndarynyń arasynda úlken rezonans týǵyzyp, áleýmettik jelilerde qyzý talqylanýda.
