مەسكەۋدٸڭ شىعىس بٶلٸگٸندە جانتٷرشٸگەرلٸك قىلمىس تٸركەلدٸ. ەر ادام ٶز تۋعان قارىنداسىن ٶلتٸرٸپ, مەيٸتٸن بٶلشەكتەپ تاستاعان, دەپ حابارلايدى ult.kz.
ريا مەلٸمەتٸنشە, ەيەلدٸڭ دەنە بٶلٸكتەرٸ پەتەر ٸشٸنەن تابىلعان پاكەتتەردٸڭ اراسىنان انىقتالعان. قىلمىسقا كٷدٸكتٸ رەتٸندە مارقۇمنىڭ تۋعان اعاسى ۇستالدى.
تەرگەۋ بارىسىندا كٷدٸكتٸ قارىنداسىن تۇرمىستىق جانجال كەزٸندە ٶلتٸرگەنٸن مويىنداعان. ونىڭ ايتۋىنشا, ەكەۋٸنٸڭ اراسىندا جانجال تۋىنداپ, ارتى قايعىلى وقيعاعا ۇلاسقان. كەيٸن ول قىلمىستىڭ ٸزٸن جاسىرۋ ٷشٸن مەيٸتتٸ بٶلشەكتەپ, دەنە بٶلٸكتەرٸن پاكەتتەرگە سالىپ قويعان.
قازٸر وقيعانىڭ بارلىق مەن-جايى انىقتالىپ جاتىر. كٷدٸكتٸ قاماۋعا الىنىپ, وعان قاتىستى ادام ٶلتٸرۋ بابى بويىنشا قىلمىستىق ٸس قوزعالدى. تەرگەۋشٸلەر قىلمىستىڭ ناقتى سەبەپتەرٸ مەن ونىڭ قالاي جاسالعانىن انىقتاۋدا.
بۇل وقيعا مەسكەۋ تۇرعىندارىنىڭ اراسىندا ٷلكەن رەزونانس تۋعىزىپ, ەلەۋمەتتٸك جەلٸلەردە قىزۋ تالقىلانۋدا.
