QR Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik akademiialyq kontserttik uiymynda belgili jyraý, folklor zertteýshisi, Qazaqstannyń eńbek sińirgen qairatkeri Almas Almatovtyń 70 jas mereitoiyna orai «Bizdiń jármeńke - jyr-dastan» kontserti ótti.
Kesh barysynda QR Premer-Ministriniń orynbasary, Mádeniet jáne aqparat ministri Aida Ǵalymqyzy Balaevanyń quttyqtaý haty oqyldy.
Quttyqtaýda óner iesiniń jyrshy retinde joǵary oryndaýshylyq sheberligi, ulttyq mádenietti damytýǵa qosqan úlesi jáne halyqaralyq deńgeide tanylǵan jetistikteri erekshe atap ótildi.
"Sizdi 70 jas mereitoiyńyzǵa orai «Bizdiń jármeńke – jyr-dastan» atty shyǵarmashylyq keshińizdiń ótýimen shyn júrekten quttyqtaimyn. Ózińizdi qazaq rýhaniiaty men mádenietiniń damýynda ózindik qoltańbasyn qaldyrǵan qairatker tulǵa retinde qurmetteimiz. Ulttyq ónerdi dáriptep, jyr-terme dástúrin jańǵyrtý jolyndaǵy eńbegińiz eleýli. Qazaq jyraýlyq dástúrin álemge tanytyp, ulttyq ónerimizdiń mádeni mura keńistiginde laiyqty oryn alýyna zor yqpal etip júrsiz. Jyrshylyq ónerdi ǵylymi turǵydan zerdelep, kásibi bilm berý júiesine ornyqtyrýǵa orasan eńbek sińirdińiz", – delingen hatta.
Almas Almatovtyń oryndaýshylyq sheberligi el ishinde ǵana emes, shetelde de keńinen tanylǵan. Ol qazaq jyrshylyq dástúrin Frantsiia, Italiia, Shveitsariia, Resei, Ózbekstan, Mońǵoliia elderinde nasihattady. Folklorlyq týrneler men Aziia halyqtarynyń mýzykalyq simpoziýmyna qatysyp, ulttyq ónerdi álemge pash etti.
Mereitoilyq keshte jyr-dastandar men terme-tolǵaýlar oryndalyp, kórermenge áserli de mazmundy jyr keshi usynyldy. Mereitoi iesine ózge de óner ielerinen quttyqtaýlar joldandy. Keshtiń basty ereksheligi – urpaqtar sabaqtastyǵy boldy. Sahnada Almas Almatov «Jyr bastaý» shyǵarmasyn kórermenge tartý etse, nemere-shóbere shákirtteri de óz ónerlerin kórsetip, jyrshylyq dástúrdiń sabaqtastyǵyn aiqyn ańǵartty. Qazaqstannyń eńbek sińirgen qairatkerleri Uljan Baibosynova, Sáýle Janpeiisova, Erbolat Shaldybekov, Klara Tólenbaeva, Erlan Rysqali, Elmura Jańabergen jáne ózge de ónerpazdar jyr-dastandardy naqyshyna keltirip oryndady. Sonymen qatar, Aqtamberdi, Ońǵar, Sherniiaz, Turmaǵambet, Mahambet, Nartai, Jambyl, Áset, Qazi Qaliuly, Tasbergen, Almas Almatovtyń jáne t.b. týyndylary shyrqaldy. Belgili jyrshy Marat Súgirbai Almas Almatovtyń «Shyńǵysnama» dastanynan úzindini kórermenge áserli túrde usynyp, erekshe yqylasqa bóledi. Óner keshinde jyrshynyń qyzmetin belgili aitysker, aqyn, jyrshy, termeshi Erkebulan Qainazar atqaryp, kórermenge kesh qatysýshylaryn tanystyryp otyrdy.
Kesh sońyn barlyq ónerpazdar Nurtýǵan jyraýdyń «Qanekei, tilim sóileshi» týyndysymen aiaqtady. Ónerpazdar jyr-termelerdi «Astana sazy» Qazaq memlekettik folklorlyq ansambliniń súiemeldeýimen oryndady.
Is-sharada elimizdiń ár óńirinen kelgen jyrshy-termeshiler men dástúrli ónerdi nasihattap júrgen tanymal ónerpazdar, sondai-aq, «Halyq qazynasy» ulttyq óner ortalyǵynyń ártisteri men «Gulder» ansambliniń baleti óner kórsetti.
