Foto: Aqtaý qalasy ákimdigi
Aqtaý qalasynda tuńǵysh ret ótken «Kitap kerýen – Aqtaý» jármeńkesi kitapsúier qaýymnyń erekshe yqylasyna bólendi, dep habarlaidy Ult.kz.
Kitap jármeńkesi Aqtaý qalasy ákimdiginiń qoldaýymen Mańǵystaý oblystyq Qabibolla Sydiyquly atyndaǵy ámbebap kitaphanada jáne Kaspii teńiziniń jaǵalaýynda uiymdastyryldy.
Merekelik sharanyń alǵashqy rásimi qazaq ádebietiniń kórnekti tulǵasy, memleket jáne qoǵam qairatkeri Ábish Kekilbaev eskertkishine gúl shoqtaryn qoiýdan bastaldy. Saltanatty sharanyń lentasyn Aqtaý qalasynyń ákimi Ábilqaiyr Baipaqov pen QR Memlekettik syilyǵynyń laýreaty, jazýshy-dramatýrg Roza Muqanova qidy.
Qala ákimi Ábilqaiyr Baipaqov shara barysynda quttyqtaý sóz sóilep, mundai kitap jármeńkesiniń ereksheligine toqtaldy. Sonymen qatar kitap oqityn ult qalyptastyrýdyń mańyzy men rýhani qundylyqtar jaiynda pikir bildirdi.
Foto: Aqtaý qalasy ákimdigi
Tuńǵysh ret uiymdastyrylǵan kitap jármeńkesine elimizdiń ádebiet jáne mádeniet salasyndaǵy belgili tulǵalary qatysty. Atap aitqanda, jazýshy-dramatýrg, QR Memlekettik syilyǵynyń laýreaty Roza Muqanova, aqyn, QR Eńbek sińirgen qairatkeri Ońaigúl Turjan, aqyn, QR Jazýshylar odaǵy Mańǵystaý filialynyń tóraiymy Anar Shamshadinova, aqyn, QR Aqparat salasynyń úzdigi Gúlaiym Dáýitbaeva, jazýshy, halyqaralyq «Shabyt» festivaliniń laýreaty Baqytgúl Sármekova, jazýshy, QR Mádeniet jáne aqparat salasynyń úzdigi Qanat Tileýhan, aqyn-jazýshy Aqberen Elgezek, aqyn-dramatýrg Ularbek Nurǵalym syndy qalamgerler arnaiy keldi.
Foto: Aqtaý qalasy ákimdigi
Budan bólek, jármeńkege elimizge tanymal baspalar da qatysty. Olardyń qatarynda:
Qasymkitap
Steppe&World
«Abai»
«Arman-PV»
ZIYAT
SANA
MAZMUNDAMA
Marfu
«Otbasy hrestomatiiasy»
WIK HOUSE baspalary bar.
«Kitap kerýen – Aqtaý» jármeńkesine arnaiy daiyndalǵan avtobýs ta qala kóshelerin aralap, turǵyndardy rýhani sharaǵa shaqyrdy.
Foto: Aqtaý qalasy ákimdigi
15-16 mamyr kúnderi ótken eki kúndik jármeńke aiasynda kitaptarǵa arnaiy jeńildikter usynylyp, túrli mádeni-ádebi sharalar uiymdastyryldy. Sonymen qatar ádebiet pen shyǵarmashylyqty damytýǵa arnalǵan sektsiialyq otyrystar, jańa kitaptardyń tanystyrylymdary men tusaýkeserleri ótti. Atap aitqanda, jazýshylar: Qanat Tileýhan men Aslan Tilegen qurastyrǵan «Atabaev lektsiiasy» kitaby, aqyn Ońaigúl Turjannyń «Aǵashtar únsiz ósedi» kitabynyń, aqyn ári jazýshy Aqberene Elgezektiń «Dardai» romanynyń, jazýshy Álisher Rahattyń «Iesiz kóleńke» kitabynyń, jazýshy Máriia Omardyń «Aqbaljan» kitabynyń jáne Arman-PV baspasynan shyqqan «Kóshpendiler oiyny» tanymdyq entsiklopediiasynyń tanystyrylmdary boldy.
Jármeńkeniń ekinshi kúni Kaspii teńiziniń jaǵalaýynda jalǵasyp, senbilik demalysqa shyqqan halyq súiikti avtorlarymen kezdesip, sýretke túsip, kitaptaryn qoltańbalarymen aldy.
Foto: Aqtaý qalasy ákimdigi
