«كٸتاپ كەرۋەن – اقتاۋ»: قالامگەرلەر مەن وقىرمانداردى توعىستىرعان شارا

كٸتاپ جەرمەڭكەسٸ اقتاۋ قالاسى ەكٸمدٸگٸنٸڭ قولداۋىمەن ماڭعىستاۋ وبلىستىق قابيبوللا سىديىقۇلى اتىنداعى ەمبەباپ كٸتاپحانادا جەنە كاسپيي تەڭٸزٸنٸڭ جاعالاۋىندا ۇيىمداستىرىلدى.

مەرەكەلٸك شارانىڭ العاشقى رەسٸمٸ قازاق ەدەبيەتٸنٸڭ كٶرنەكتٸ تۇلعاسى, مەملەكەت جەنە قوعام قايراتكەرٸ ەبٸش كەكٸلباەۆ ەسكەرتكٸشٸنە گٷل شوقتارىن قويۋدان باستالدى. سالتاناتتى شارانىڭ لەنتاسىن اقتاۋ قالاسىنىڭ ەكٸمٸ ەبٸلقايىر بايپاقوۆ پەن قر مەملەكەتتٸك سىيلىعىنىڭ لاۋرەاتى, جازۋشى-دراماتۋرگ روزا مۇقانوۆا قيدى.

قالا ەكٸمٸ ەبٸلقايىر بايپاقوۆ شارا بارىسىندا قۇتتىقتاۋ سٶز سٶيلەپ, مۇنداي كٸتاپ جەرمەڭكەسٸنٸڭ ەرەكشەلٸگٸنە توقتالدى. سونىمەن قاتار كٸتاپ وقيتىن ۇلت قالىپتاستىرۋدىڭ ماڭىزى مەن رۋحاني قۇندىلىقتار جايىندا پٸكٸر بٸلدٸردٸ.

تۇڭعىش رەت ۇيىمداستىرىلعان كٸتاپ جەرمەڭكەسٸنە ەلٸمٸزدٸڭ ەدەبيەت جەنە مەدەنيەت سالاسىنداعى بەلگٸلٸ تۇلعالارى قاتىستى. اتاپ ايتقاندا, جازۋشى-دراماتۋرگ, قر مەملەكەتتٸك سىيلىعىنىڭ لاۋرەاتى روزا مۇقانوۆا, اقىن, قر ەڭبەك سٸڭٸرگەن قايراتكەرٸ وڭايگٷل تۇرجان, اقىن, قر جازۋشىلار وداعى ماڭعىستاۋ فيليالىنىڭ تٶرايىمى انار شامشادينوۆا, اقىن, قر اقپارات سالاسىنىڭ ٷزدٸگٸ گٷلايىم دەۋٸتباەۆا, جازۋشى, حالىقارالىق «شابىت» فەستيۆالٸنٸڭ لاۋرەاتى باقىتگٷل سەرمەكوۆا, جازۋشى, قر مەدەنيەت جەنە اقپارات سالاسىنىڭ ٷزدٸگٸ قانات تٸلەۋحان, اقىن-جازۋشى اقبەرەن ەلگەزەك, اقىن-دراماتۋرگ ۇلاربەك نۇرعالىم سىندى قالامگەرلەر ارنايى كەلدٸ.

بۇدان بٶلەك, جەرمەڭكەگە ەلٸمٸزگە تانىمال باسپالار دا قاتىستى. ولاردىڭ قاتارىندا:

Qasymkitap

Steppe&World

«اباي»

«Arman-PV»

ZIYAT

SANA

MAZMUNDAMA

Marfu

«وتباسى حرەستوماتيياسى»

WIK HOUSE باسپالارى بار.  

«كٸتاپ كەرۋەن – اقتاۋ» جەرمەڭكەسٸنە ارنايى دايىندالعان اۆتوبۋس تا قالا كٶشەلەرٸن ارالاپ, تۇرعىنداردى رۋحاني شاراعا شاقىردى.

15-16 مامىر كٷندەرٸ ٶتكەن ەكٸ كٷندٸك جەرمەڭكە اياسىندا كٸتاپتارعا ارنايى جەڭٸلدٸكتەر ۇسىنىلىپ, تٷرلٸ مەدەني-ەدەبي شارالار ۇيىمداستىرىلدى. سونىمەن قاتار ەدەبيەت پەن شىعارماشىلىقتى دامىتۋعا ارنالعان سەكتسييالىق وتىرىستار, جاڭا كٸتاپتاردىڭ تانىستىرىلىمدارى مەن تۇساۋكەسەرلەرٸ ٶتتٸ. اتاپ ايتقاندا, جازۋشىلار: قانات تٸلەۋحان مەن اسلان تٸلەگەن قۇراستىرعان «اتاباەۆ لەكتسيياسى» كٸتابى, اقىن وڭايگٷل تۇرجاننىڭ «اعاشتار ٷنسٸز ٶسەدٸ» كٸتابىنىڭ, اقىن ەرٸ جازۋشى اقبەرەنە ەلگەزەكتٸڭ «دارداي» رومانىنىڭ, جازۋشى ەلٸشەر راحاتتىڭ «يەسٸز كٶلەڭكە» كٸتابىنىڭ, جازۋشى مەرييا وماردىڭ «اقبالجان» كٸتابىنىڭ جەنە Arman-PV باسپاسىنان شىققان «كٶشپەندٸلەر ويىنى» تانىمدىق ەنتسيكلوپەديياسىنىڭ تانىستىرىلمدارى بولدى. 

جەرمەڭكەنٸڭ ەكٸنشٸ كٷنٸ كاسپيي تەڭٸزٸنٸڭ جاعالاۋىندا جالعاسىپ, سەنبٸلٸك دەمالىسقا شىققان حالىق سٷيٸكتٸ اۆتورلارىمەن كەزدەسٸپ, سۋرەتكە تٷسٸپ, كٸتاپتارىن قولتاڭبالارىمەن الدى.