Jelide Iemen Respýblikasynyń shyǵysyndaǵy shól dalada ornalasqan Bir-Barhaýt qudyǵynyń jańa sýreti paida boldy. Kópshilik bile bermeitin bul túpsiz tereń qudyqta ańyz boiynsha jyn-shaitandar mekendeidi dep jazady NUR.KZ portaly knews.kg agenttigine silteme jasap.
Basylymnyń málimetinshe, Bir-Barhaýt – Iemenniń kópke tanymal, ǵajaiyp jerleriniń biri. Sebebi munda eni 30 metrdi quraityn alyp qudyq bar. Bir qyzyǵy ǵalymdar qudyqtyń tereńdigi qansha metrdi quraitynyn áli kúnge deiin bilmeidi.
Al Al Arabiya basylymynyń jazýynsha, ǵalymdardyń boljamynsha qudyqtyń tereńdigi shamamen 100-250 metr.
Eldiń geologiialyq barlaý jáne mineraldy resýrstar basqarmasynyń direktory Salah Babhairdiń aitýynsha, ottegi jetispegendikten áli kúnge deiin eshkim 50 metr tereńdikten ári qarai túse almaǵan.
"Kún sáýlesi qudyqtyń túbine deiin jetpeidi, sondyqtan onyń túbinde ne bar ekenin boljai almaimyz. Qudyqtyń tek bergi betin videoǵa túsirgenimizde onda qustar júretinin baiqadyq", - deidi Salah Babhair.
Sonymen birge, basylym Bir-Barhaýt qudyǵynyń túbinen únemi jaǵymsyz iis shyǵatynyn jazady. Ertede ańyz boiynsha, qupiiasy ashylmaǵan qudyq – "tozaqqa kiretin qaqpa" dep eseptelgen kórinedi.
Endi geologtar shamamen milliondaǵan jyldar buryn paida bolǵan tabiǵattyń bul keremetin zertteýdi taǵy qolǵa alǵan.
