Ulybritaniialyq Collins English sózdigi permacrisis sózin 2022 jyldyń basty sózi retinde tanydy. Bul týraly sózdik saitynda jazylǵan, - dep habarlaidy Massaget.kz portaly Gazeta.ru saityna silteme jasap.
Bul sóz permanent jáne crisis sózderiniń birigýi arqyly jasalǵan. Iaǵni "turaqty daǵdarys", "turaqsyzdyq pen qaýipsizdiktiń uzaq kezeńi" degendi bildiredi. Bul termin 2022 jyly álemde bolyp jatqan daǵdarysqa bailanysty tańdalǵan. Onyń ishinde saiasi turaqsyzdyq, Ýkrainadaǵy soǵys, klimattyń ózgerýi jáne ómirdiń baǵasy sekildi máseleler bar.
Permacrisis sózi Collins sózdigine biylǵy 10 jańa sózben birge engizilgen. Olardyń arasynda Ulybritaniianyń burynǵy premer-ministri Boris Djonsonǵa qatysty oqiǵany bildiretin "patigeit" zat esimi, jańa patsha III Charlz esimimen bailanysty "karolinskii" syn esimi, sondai-aq, úilerin jylytý úshin aqsha tólei almaityn adamdar jylynatyn jerlerdi bildiretin warm banks ("jylý bankteri") tirkesi bar.
Sonymen qatar, Ulybritaniiadaǵy saiasi ózgerister men Ýkrainadaǵy oqiǵalar aiasynda sózdikke birneshe ómirbaiandyq maqalalar qosylǵan. Sonyń ishinde Ýkraina prezidenti Vladimir Zelenskii, aǵaiyndy Klichko, jańa premer-ministr Rishi Sýnak jáne III Charlzdiń áieli patshaiym Kamila týraly maqalalar bar.
Aita keteiik, byltyr NFS abbreviatýrasy jyl sózi dep atalǵan edi.
