Ońtústik Qazaqstan oblysynda jyl sońyna deiin 116 kópqabatty úi iaǵni 6 myń páter paidalanýǵa beriledi. Al, jalpy óńirde 263 turǵyn úidiń qurylysy júrgizilýde. Búgin bul týraly Óńirlik kommýnikatsiialar qyzmetinde ótken brifingte oblystyq Qurylys basqarmasynyń basshysy Quttybek Jamashev málim etti.
Basqarma basshysynyń aitýynsha, memlekettik biýdjetten 108 úidiń qurylysy júrip jatsa, onyń 61-i jyl sońyna deiin tapsyrylady. Ulttyq kompaniialar esebinen 45 úidiń 43-iniń qurylysy bitýge jaqyn. Al, «Shymkent» ÁKK» AQ salyp jatqan segiz úidiń altaýy taiaý arada paidalanýǵa berilmek.
Jeke kásipkerler esebinen salynyp jatqan 102 úidiń altaýynyń qurylysy jyl sońyna deiin tolyq bitedi dep josparlanýda. Al, qalǵan 147 úidiń qurylysy 2018 jyly jalǵasady.
«2017 jyldyń 8 aiynyń qorytyndysy boiynsha 400,2 myń sharshy metr turǵyn úi iaǵni 3 783 páter paidalanýǵa berildi. Turǵyn úi qurylysy ótken jyldyń osy merzimimen salystyrǵanda 124 paiyzǵa ulǵaiyp otyr. Paidalanýǵa berilgen turǵyn úidiń naqty kóleminiń indeksi 115,7 mlrd teńgeni qurap, ótken jylmen salystyrǵanda 105 paiyzǵa oryndaldy», - dedi Quttybek Jamashev.
Budan bólek, «Nurly jol» memlekettik baǵdarlamasy aiasynda oblysymyzda 32 mekteptiń qurylysy júrgizilýde. 2016 jyldan ótpeli 19 mektepti aǵymdaǵy jyly paidalanýǵa berý josparlansa, búgingi kúnge 16 mektep paidalanýǵa berilgen. Jyl sońyna deiin 3 mektepti paidalanýǵa berý josparlanyp otyr. Qalǵan 13 mektep 2018 jyly el igiligine berilmek.
Respýblikalyq biýdjetten 4 mektep pen 1 mektep-internattyń qurylysy júrip jatyr. Atalǵan nysandardaǵy qurylys jumystary 2018 jyly aiaqtalady. Al, oblystyq biýdjetten 39 mektep pen 3 kolledjdiń qurylysy júrgizilýde. Búgingi kúnge 8 mektep paidalanýǵa berilgen.
Sondai-aq, densaýlyq saqtaý salasyna qatysty 38 nysanda qurylys jumystary jalǵasýda. Sonyń 5 nysany paidalanýǵa berilse, 29 nysan jyl sońyna deiin tapsyrylady. 4 emhana qurylysy 2018 jylǵa ótpeli bolyp otyr. Qalǵan 11 ózge de áleýmettik nysandardyń qurylysy 2018 jyly aiaqtalady.
Biyl memlekettik biýdjet esebinen 21 infraqurylymdyq nysannyń qurylysy júrgizilýde. Jyl sońyna deiin 8 nysan paidalanýǵa tapsyrý josparlansa, 13 nysannyń qurylysy 2018 jylǵa ótpeli. Aǵymdaǵy jyldyń 1 qyrkúiegine 6 nysan paidalanýǵa tapsyrylyp, 1 485 jeke jer ýchaskeleri infraqurylymmen qamtamasyz etilgen.
Aita keteiik, 2017 jyly basqarma tarapynan 47 nysannyń jobalaý-smetalyq qujaty ázirlenýde. Jalpy 47 jobanyń 26-sy jańa, 21-i 2016 jyldan beri júrgizilýde. 2017 jylǵa oblystyq biýdjet qarajaty esebinen bólingen qarjyǵa sáikes, 20 jobany aiaqtaý josparlanyp otyr.
