Energetika ministri Nurlan Noǵaev eldi mekenderdi gazdandyrý jumystary týraly málimet berdi, dep habarlaidy "Ult aqparat".
«Bizdiń aldymyzda turǵan eleýli bir úlken másele – eldi mekenderdi gazdandyrý. Qazirgi tańda onyń kórsetkishi – 53,07%. Iaǵni, 9 mln 840 myń adam kógildir otyndy qoldana alady. Byltyr 38,5 mlrd teńgege 51 joba ise asyrylyp, 2723 shaqyrym jańa gaz qubyry tartyldy. Qazirgi tańda ministrlik buryn salynǵanymen, merdigerlerdiń balansynan mekemelerge berilmegen gaz qubyrlaryn alý máselelerimen tyǵyz ainalysyp jatyr. Byltyr jalpy quny 92 mlrd teńge bolatyn 427 nysandy gaz tasymaldaityn arnaiy mekemelerge berýdi uiymdastyrdyq», - dedi Energetika ministri el aldyndaǵy eseptik kezdesýinde.
Nurlan Noǵaev jyl sońyna deiin bul kórsetkishti arttyrý túsýge múmkindik bar ekenin atady.
«Bizdiń josparymyz – jyl aiaǵyna deiin eldi mekenderdiń gazben qamtylýyn 53,8 paiyzǵa jetkizý. Sonyń nátijesinde qosymsha 140 myń adam kógildir otynnyń rahatyn kórýge múmkindik alady», - dedi ministr.
