ەنەرگەتيكا مينيسترٸ نۇرلان نوعاەۆ ەلدٸ مەكەندەردٸ گازداندىرۋ جۇمىستارى تۋرالى مەلٸمەت بەردٸ, دەپ حابارلايدى "ۇلت اقپارات".
«بٸزدٸڭ الدىمىزدا تۇرعان ەلەۋلٸ بٸر ٷلكەن مەسەلە – ەلدٸ مەكەندەردٸ گازداندىرۋ. قازٸرگٸ تاڭدا ونىڭ كٶرسەتكٸشٸ – 53,07%. ياعني, 9 ملن 840 مىڭ ادام كٶگٸلدٸر وتىندى قولدانا الادى. بىلتىر 38,5 ملرد تەڭگەگە 51 جوبا ٸسە اسىرىلىپ, 2723 شاقىرىم جاڭا گاز قۇبىرى تارتىلدى. قازٸرگٸ تاڭدا مينيسترلٸك بۇرىن سالىنعانىمەن, مەردٸگەرلەردٸڭ بالانسىنان مەكەمەلەرگە بەرٸلمەگەن گاز قۇبىرلارىن الۋ مەسەلەلەرٸمەن تىعىز اينالىسىپ جاتىر. بىلتىر جالپى قۇنى 92 ملرد تەڭگە بولاتىن 427 نىساندى گاز تاسىمالدايتىن ارنايى مەكەمەلەرگە بەرۋدٸ ۇيىمداستىردىق», - دەدٸ ەنەرگەتيكا مينيسترٸ ەل الدىنداعى ەسەپتٸك كەزدەسۋٸندە.
نۇرلان نوعاەۆ جىل سوڭىنا دەيٸن بۇل كٶرسەتكٸشتٸ ارتتىرۋ تٷسۋگە مٷمكٸندٸك بار ەكەنٸن اتادى.
«بٸزدٸڭ جوسپارىمىز – جىل اياعىنا دەيٸن ەلدٸ مەكەندەردٸڭ گازبەن قامتىلۋىن 53,8 پايىزعا جەتكٸزۋ. سونىڭ نەتيجەسٸندە قوسىمشا 140 مىڭ ادام كٶگٸلدٸر وتىننىڭ راحاتىن كٶرۋگە مٷمكٸندٸك الادى», - دەدٸ مينيستر.
