Memleket basshysy Qasym-Jomart Toqaev meditsinalyq infraqurylymdy damytý jumysy jaily baiandady, dep habarlaidy "Ult aqparat".
«Taǵy bir másele – meditsinalyq infraqurylymdy damytý. Jyl sońyna deiin el aýmaǵynda 13 jańa juqpaly aýrýlar aýrýhanasy salynady. Al 2025 jylǵa qarai densaýlyq saqtaý salasyna arnalǵan 20 zamanaýi kópsalaly nysan paidalanýǵa beriledi. Bul osy maqsatqa orai 1,5 trln teńgege jýyq investitsiia tartylady degen sóz» dep atap ótti Memleket basshysy Joldaý barysynda.
Onyń aitýynsha, Elbasynyń bastamasymen Nur-Sultan jáne Almaty qalalarynda eki kópsalaly meditsinalyq ortalyq salynady.
«Bul ortalyqtar elimizdiń betkeustar mekemelerine ainalyp, innovatsiialyq ósimge jáne qoldanbaly meditsinanyń damýyna tyń serpin beredi», - dedi Q. Toqaev.
