QR Sybailas jemqorlyqqa qarsy is-qimyl agenttigi jyl saiyn 2 myńnan astam qylmystyq is qozǵaidy.
Bul týraly atalǵan agenttik tóraǵasynyń birinshi orynbasary Oljas Bektenov málim etti, dep habarlaidy QazAqparat tilshisi.
«Sybailas jemqorlyqqa qarsy kúres qyzmeti jyl saiyn eki myńnan astam qylmystyq isti qozǵap, tergeý amaldaryn júrgizidedi. Jemqorlyq úshin shamamen 1 200-ge tarta adam qylmystyq jaýapqa tartylady», - O. Bektenov Ortalyq kommýnikatsiialar qyzmetinde tilshiler saýalyna jaýap bere otyryp.
Osy oraida ol atalǵan qyzmettiń jumysyna óziniń baǵasyn berdi.
«Bul turǵyda sybailas jemqorlyqqa qarsy kúres qyzmeti aitarlyqtai tiimdi jumys júrgizip jatyr dep oilaimyn», - dedi Oljas Bektenov.
Budan buryn habarlanǵandai, Qazaqstan Eýropa keńesiniń Sybailas jemqorlyqqa qarsy memleketter toby (GREKO) bastamasyna qosyldy.
Sonymen qatar, O. Bektenov sybailas jemqorlyqqa qarsy kúres qyzmeti búginde 65 qylmyskerdi izdestirip jatqanyn, olardyń 33-i shetelde jasyrynyp júrgenin aitty.
