قر سىبايلاس جەمقورلىققا قارسى ٸس-قيمىل اگەنتتٸگٸ جىل سايىن 2 مىڭنان استام قىلمىستىق ٸس قوزعايدى.
بۇل تۋرالى اتالعان اگەنتتٸك تٶراعاسىنىڭ بٸرٸنشٸ ورىنباسارى ولجاس بەكتەنوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«سىبايلاس جەمقورلىققا قارسى كٷرەس قىزمەتٸ جىل سايىن ەكٸ مىڭنان استام قىلمىستىق ٸستٸ قوزعاپ, تەرگەۋ امالدارىن جٷرگٸزٸدەدٸ. جەمقورلىق ٷشٸن شامامەن 1 200-گە تارتا ادام قىلمىستىق جاۋاپقا تارتىلادى», - و. بەكتەنوۆ ورتالىق كوممۋنيكاتسييالار قىزمەتٸندە تٸلشٸلەر ساۋالىنا جاۋاپ بەرە وتىرىپ.
وسى ورايدا ول اتالعان قىزمەتتٸڭ جۇمىسىنا ٶزٸنٸڭ باعاسىن بەردٸ.
«بۇل تۇرعىدا سىبايلاس جەمقورلىققا قارسى كٷرەس قىزمەتٸ ايتارلىقتاي تيٸمدٸ جۇمىس جٷرگٸزٸپ جاتىر دەپ ويلايمىن», - دەدٸ ولجاس بەكتەنوۆ.
بۇدان بۇرىن حابارلانعانداي, قازاقستان ەۋروپا كەڭەسٸنٸڭ سىبايلاس جەمقورلىققا قارسى مەملەكەتتەر توبى (گرەكو) باستاماسىنا قوسىلدى.
سونىمەن قاتار, و. بەكتەنوۆ سىبايلاس جەمقورلىققا قارسى كٷرەس قىزمەتٸ بٷگٸندە 65 قىلمىسكەردٸ ٸزدەستٸرٸپ جاتقانىن, ولاردىڭ 33-ٸ شەتەلدە جاسىرىنىپ جٷرگەنٸن ايتتى.
