Almaty oblysynda «2017 jyldyń úzdik muǵalimi» nominatsiiasynyń jeńimpazyna «ladaXRay» avtokóliginiń kilti tabystaldy. Tekeli qalasyndaǵy №1 orta mekteptiń geografiia pániniń muǵalimi Baqytjan Molbaev muǵalimder arasynda úzdik atandy. Ustazdy laiyqty jeńisimen oblys ákimi Amandyq Batalov quttyqtady. Bul týraly búgin Muǵalimder kúnine arnalǵan saltanatty jiynda belgili boldy.
Oblys ákimi óz quttyqtaý sózinde muǵalim mamandyǵy árqashan erekshe qurmetke jáne joǵary mártebege ie ekendigin, sonymen qatar oblystyń bilim salasy qyzmetkerleriniń eseli eńbegin atap ótti.
- Qurmetti bilim salasynyń qyzmetkerleri! Qymbatty ustazdar! Sizderdi Muǵalimder kúnimen shyn júrekten quttyqtaimyn! Elimizdiń dástúrli pedagogikasy men innovatsiiany úilestire otyryp, kóptegen sapaly nátijelerge qol jetkizip kelesizder. Qazirgi shaqta da aldaryńyzda kóptegen mańyzdy mindetter bar. Olardyń kósh basynda «Rýhani jańǵyrý» baǵdarlamasyn júzege asyrý men «Tárbie jáne bilim» baǵdarlamasy aiasynda aýqymdy jobalardy oryndaý mindetteri turǵanyn atap ótý qajet. Bilimdilik pen belsendilikterińizdiń arqasynda osy baǵytta áli talai belesterdi baǵyndyryp, aldyńǵy qatardan kórinetinderińizge senemin. Sizderdi taǵy da osy aitýly merekemen shyn júrekten quttyqtap, zor densaýlyq, shyǵarmashylyq tabys tileimin! «Urpaqtarymyzdyń keleshegi, elimizdiń erteńi – ustazdardyń qolynda, onyń altyn júreginde», - degen qanatty sózdi árbir muǵalim, árbir azamat este ustaýy tiis, - dedi A.Batalov.
Saltanatty shara bilim men tárbie berýde airyqsha tabystarǵa qol jetkizgen muǵalimderdi marapattaý rásimimen jalǵasyp, marapattardy oblys ákimi Amandyq Batalov tapsyrdy.
Talǵar aýdanynyń №6 orta mektebiniń mýzyka páni muǵalimi Qýandyq Imashev «Qazaqstan Respýblikasy bilim salasynyń úzdik qyzmetkeri» tósbelgisiniń iegeri atandy. Taǵy 4 úzdik ustaz Y.Altynsarin atyndaǵy tósbelgilerimen marapattaldy.
Shara barysynda bilim salasyndaǵy oblystyq konkýrs qorytyndylandy. «2017 jyldyń eń úzdik muǵalimi» atty negizgi nominatsiia boiynsha Tekeli qalasy №1 orta mektebi geografiia pániniń muǵalimi Baqytjan Molbaev jeńimpaz atanyp, jańa «ladaXRay» avtokóliginiń kiltine ie boldy.
«Úzdik balabaqsha» ataǵy Qapshaǵai qalasynyń «Baldáýren» mektepke deiingi bilim berý mekemesine berilip, 300 myń teńgeniń sertifikaty tabystaldy. Sondai-aq sertifikat jáne «Úzdik kásiptik bilim berý mekemesi» ataǵyn Almaty oblystyq qyzmet kórsetý jáne tamaqtaný salasyndaǵy innovatsiialyq tehnologiialar kolledji ielendi.
«Úzdik synyp jetekshisi» atanǵan Balqash aýdany Aqdala orta mektebiniń muǵalimi Jazylbekova Ǵaliiaǵa 150 myń teńgeniń sertifikaty tabystaldy.
«Úzdik aýyldyq mektep» Kerbulaq aýdanyndaǵy Qarashoqy orta mektebi dep tanylyp, 250 myń teńgeniń sertifikaty tabystaldy.
Ile aýdanyndaǵy №26 orta mektep «Úzdik orta bilim mekemesi» atanyp, 19,6 mlrd. teńgeniń grantyn ielendi.
Sonymen qatar birqatar muǵalimder men bilim salasynyń ardagerleri oblys ákiminiń Qurmet gramotalarymen jáne Alǵys hattarymen marapattaldy.
Marapattalǵan ustazdar atynan «2017 jyldyń eń úzdik muǵalimi» nominatsiiasynyń júldegeri Baqytjan Molbaev sóz aldy.
- Barsha áriptesterimdi quttyqtaimyn! Sizderdiń attaryńyzdan jáne óz atymnan oblys basshylyǵyna osyndai kezdesý uiymdastyrǵanyna alǵys bildiremin. Óz tarapymyzdan biz el igiligine adal qyzmet etemiz, jas urpaqty eljandylyqqa tárbielep, otanymyzdyń laiyqty azamattary bolýyna bar kúsh-jigerimizdi jumsaimyz. Elbasy saiasatynyń arqasynda bizge barlyq jaǵdailar jasalǵan, eń bastysy - ózimiz mamandyǵymyzǵa adal, jumysymyzdy jaqsy kóretin, zaman talabyna sai muǵalim bolsaq, kásibiliktiń kilti sol, - dedi ustaz.
Saltanatty shara merekelik kontsertpen aiaqtaldy.
Aita keteiik, Almaty oblysynda 33 myńnan astam muǵalim jumys isteidi. Olardyń eńbeginiń arqasynda, sońǵy oqý jylynda 242 oqýshy ártúrli intellektýaldyq jarystarǵa qatysyp, olardyń 95-i júldeli oryndarǵa ie boldy. Sondai-aq, ótken oqý jylynda 1351 jas muǵalim jumysqa ornalassa, biylǵy jyly 1400-den astamy jumyspen qamtylǵan.
