Foto: ashyq derekkózden
IIM Ákimshilik politsiia komitetiniń tóraǵasy Qaisar Sultanbaev brifing barysynda jol apattarynan bolatyn ólim-jitim kórsetkishi áli de tómendemei otyrǵanyn aityp, alty aidan astam ýaqyt ishinde 175 bala qaza tapqanyn málimdedi, dep habarlaidy Ult.kz.
Marqumdardyń basym bóligi kólikte jolaýshy bolǵan, al qalǵandary jaiaý júrginshi, velosiped, samokat jáne moped mingender qatarynan.
"Kóp jaǵdaida eresekter ereje buzǵan. Sondai-aq balalar qaýipsizdik beldigin taqpaǵan. Joldy ruqsat etilmegen jerden kesip ótý, baǵdarshamnyń qyzyl túsine ótý, abailamaý saldarynan da qaiǵyly jaǵdailar boldy. Sondyqtan biz olarǵa únemi túsindirip, jolda abai bolýdy úiretýimiz kerek. Júrgizýshi jol bergenine kóz jetkizbeiinshe, ótýge bolmaidy", — dedi Sultanbaev.
