Tanymal ázilkesh Tursynbek Qabatovtyń jubaiy Aiman Talǵatqyzy kúieýiniń syrt kelbetin kelemejdeitin jeli qoldanýshylaryna jaýap berdi, dep habarlaidy ult.kz.

Ol áleýmettik jelide ázilkeshke qatysty kemsitetin sózder jii jazylatynyn aityp, mundai áreketti kórgensizdik dep baǵalady.

"Osy «jartybas» degen sózdi jii jazady adamdar. Sonda qalai? Bir qoly, aiaǵy, kózi joqtardy da solai «jarty qol», «jarty aiaq» dep atai alamyz ba? Bul ne degen kórgensizdik? Alla densaýlyqpen synamasyn eshkimdi. Ózgeni kemsitip, mazaq qylýǵa eshkimniń quqyǵy joq. Eshkim múgedek, aýrý nemese soqyr bolamyn dep oilamaidy, bolǵysy da kelmeidi", - dedi Aiman Talǵatqyzy.

Ázilkeshtiń jubaiy adamnyń syrt kelbeti men densaýlyǵyn mazaq etýge eshkimniń quqyǵy joq ekenin atap ótti.

Aita keteiik, Tursynbek Qabatov týǵan kúnin Oralda atap ótti.

Tursynbek Qabatov kim? 
 

Tursynbek Qabatov - qazaqstandyq ázilkesh, akter jáne telejúrgizýshi. Kópshilikke kúndelikti ómirdegi jaǵdailardy, otbasylyq qarym-qatynas pen qoǵamdaǵy máselelerdi ázilmen jetkizetin sahnalyq qoiylymdary arqyly tanylǵan.

Ol «Ázil álemi» teatrymen jáne «Óner qyrandary» ujymymen bailanysty shyǵarmashylyq jobalarǵa qatysqan. Sondai-aq «Kóńildi tapqyrlar alańy» — KTA jobasy arqyly jas ázilkeshterdiń tanylýyna úles qosqan.

Tursynbek Qabatovtyń ónerinde qazaqy qaljyń, turmystyq taqyryptar jáne áleýmettik satira basym. Ol jeke kontsertter ótkizip, túrli televiziialyq oiyn-saýyq baǵdarlamalaryna qatysyp keledi.