Ishki ister ministri Erlan Turǵymbaev mobildi toptar karantin sharalaryn buzý jaǵdailaryn anyqtap jatqanyn málim etti, dep habarlaidy QazAqparat.
«Jyl basynan beri kólikke qatysty nysandardan PTR-testi bolmaǵan 3200 azamat karantinge jatqyzyldy. Kúnine PTR-testi bolmaǵan 150-ge tarta adam karantinge ornalastyrylýda. Karantin sharalarynyń saqtalýyn qadaǵalaý maqsatynda monitoring toptary jumys júrgizýde. Jyl basynan beri olar 9 myńǵa tarta reid sharasyn ótkizip, 773 zańbuzýshylyqty anyqtady. Osy zańbuzýshylyqtardyń ishinde 77 paiyzy aitarlyqtai zańbuzýshylyqqa (maska taqpaý, áleýmettik qashyqtyqty saqtamaý, sanitaizerlerdiń bolmaýy) jatpaidy. Óreskel zańbuzýshylyq jaǵdaidyń 175 jaǵdaiy tirkeldi. Atap aitqanda, 152 zańbuzýshylyq túngi klýbtar, saýda ortalyqtary, meiramhanalaryń ákimshileri tarapynan jasalǵan», - dedi Erlan Turǵymbaev Úkimet otyrysynda.
Onyń aitýynsha mobildi toptar óńirlerdiń ishinde ásirese Túrkistan oblysynda zańbuzýshylyqtardyń jiirek tirkelip jatqanyn anyqtaǵan.
«Joǵaryda atalǵan zańbuzýshylyqtardyń 60 paiyzy (450-i) Túrkistan oblysynda tirkelýde», - dedi ol.
