ٸشكٸ ٸستەر مينيسترٸ ەرلان تۇرعىمباەۆ موبيلدٸ توپتار كارانتين شارالارىن بۇزۋ جاعدايلارىن انىقتاپ جاتقانىن مەلٸم ەتتٸ, دەپ حابارلايدى قازاقپارات.
«جىل باسىنان بەرٸ كٶلٸككە قاتىستى نىسانداردان پتر-تەستٸ بولماعان 3200 ازامات كارانتينگە جاتقىزىلدى. كٷنٸنە پتر-تەستٸ بولماعان 150-گە تارتا ادام كارانتينگە ورنالاستىرىلۋدا. كارانتين شارالارىنىڭ ساقتالۋىن قاداعالاۋ ماقساتىندا مونيتورينگ توپتارى جۇمىس جٷرگٸزۋدە. جىل باسىنان بەرٸ ولار 9 مىڭعا تارتا رەيد شاراسىن ٶتكٸزٸپ, 773 زاڭبۇزۋشىلىقتى انىقتادى. وسى زاڭبۇزۋشىلىقتاردىڭ ٸشٸندە 77 پايىزى ايتارلىقتاي زاڭبۇزۋشىلىققا (ماسكا تاقپاۋ, ەلەۋمەتتٸك قاشىقتىقتى ساقتاماۋ, سانيتايزەرلەردٸڭ بولماۋى) جاتپايدى. ٶرەسكەل زاڭبۇزۋشىلىق جاعدايدىڭ 175 جاعدايى تٸركەلدٸ. اتاپ ايتقاندا, 152 زاڭبۇزۋشىلىق تٷنگٸ كلۋبتار, ساۋدا ورتالىقتارى, مەيرامحانالارىڭ ەكٸمشٸلەرٸ تاراپىنان جاسالعان», - دەدٸ ەرلان تۇرعىمباەۆ ٷكٸمەت وتىرىسىندا.
ونىڭ ايتۋىنشا موبيلدٸ توپتار ٶڭٸرلەردٸڭ ٸشٸندە ەسٸرەسە تٷركٸستان وبلىسىندا زاڭبۇزۋشىلىقتاردىڭ جيٸرەك تٸركەلٸپ جاتقانىن انىقتاعان.
«جوعارىدا اتالعان زاڭبۇزۋشىلىقتاردىڭ 60 پايىزى (450-ٸ) تٷركٸستان وبلىسىندا تٸركەلۋدە», - دەدٸ ول.
