Foto: Gov.kz
2025 jylǵy 1 shildedegi jaǵdai boiynsha «Kúmis jas» jobasy boiynsha 12,4 myń adam jumysqa ornalastyryldy. 2025 jyly osy baǵyt boiynsha barlyǵy 23,8 myń adamdy jumysqa ornalastyrý josparlanýda, dep habarlaidy Ult.kz.
«Kúmis jas» jobasy boiynsha jumysqa ornalasqandardyń eń kóp sany kelesi oblystarda baiqalady:
- - Almaty – 1 118 adam,
- - Jambyl – 1 032 adam,
- - Aqtóbe – 1 007 adam,
- - Qaraǵandy – 1 004 adam,
- - Jetisý oblysynda – 1 040 adam.
Qatysýshylardyń basym bóligi aýyl sharýashylyǵy salasynda – 36%, qyzmet kórsetýde – 23%, qoǵamdyq tamaqtandyrýda – 21% jumyspen qamtylǵan.
Bul jobaǵa 50 jastan asqan jumyssyz azamattar zeinetkerlik jasqa tolǵanǵa deiin qatysa alady. Jobaǵa qatysý úshin mansap ortalyǵyna ótinish berý qajet.
«Kúmis jas» jobasyna qatysý merzimi aiaqtalǵannan keiin jumys berýshi zeinetkerlik jasqa tolmaǵan adamdy keminde 1 jyl merzimge turaqty jumys ornyna, sondai-aq zeinetaldy jastaǵy adamdy zeinetkerlikke shyqqanǵa deiin jumysqa ornalastyrýǵa mindetti.
Jobaǵa qatysý uzaqtyǵy 36 aidan (3 jyl) aspaidy jáne osy ýaqyt aralyǵynda qatysýshylardyń jalaqysy memleket tarapynan sýbsidiialanady.
«Kúmis jas» jobasyn qarjylandyrýdy eńbek mobildiligi ortalyǵy jumys berýshiniń joba aiasynda jumysqa ornalastyrylǵan jumyssyzdarǵa eńbekaqy tóleýge jumsaǵan shyǵyndarynyń bir bóligin óteýge sýbsidiialar berý jolymen júzege asyrady. Sýbsidiialar mólsheri: jumystyń birinshi jylynda jalaqy mólsheriniń 70%-yn (biraq 30 AEK-ten aspaityn), jumystyń ekinshi jylynda jalaqy mólsheriniń 65%-yn (biraq 30 AEK-ten aspaityn), jumystyń úshinshi jylynda jalaqy mólsheriniń 60%-yn (biraq 30 AEK-ten aspaityn) quraidy.
Kóptegen qazaqstandyqtar joba týraly oń pikir bildirýde.
Solardyń biri – Aqtóbe oblysynyń turǵyny Alevtina Pelehan «Kúmis jas» jobasy boiynsha jańa jumysta zeinetkerlik jasqa deiin eki jyl jumys istep, laiyqty demalysqa shyqty.
«2023 jyly jumys izdep, mansap ortalyǵyna habarlastym, onda maǵan «Kúmis jas» jobasyna qatysýdy usyndy. Joldama boiynsha «Qurylys-Muǵabiia» JShS-ne qujat mamany bolyp jumysqa ornalastym. Al aqpan aiynda zeinetkerlik jasqa tolyp, zeinetke shyqtym», – dep ótkenimen bólisti ol.
Aqtóbe oblysynda 2025 jyly «Kúmis jas» jobasy boiynsha 1 205 adamdy jumysqa ornalastyrý josparda bar.
