فوتو: Gov.kz
2025 جىلعى 1 شٸلدەدەگٸ جاعداي بويىنشا «كٷمٸس جاس» جوباسى بويىنشا 12,4 مىڭ ادام جۇمىسقا ورنالاستىرىلدى. 2025 جىلى وسى باعىت بويىنشا بارلىعى 23,8 مىڭ ادامدى جۇمىسقا ورنالاستىرۋ جوسپارلانۋدا, دەپ حابارلايدى Ult.kz.
«كٷمٸس جاس» جوباسى بويىنشا جۇمىسقا ورنالاسقانداردىڭ ەڭ كٶپ سانى كەلەسٸ وبلىستاردا بايقالادى:
- - الماتى – 1 118 ادام,
- - جامبىل – 1 032 ادام,
- - اقتٶبە – 1 007 ادام,
- - قاراعاندى – 1 004 ادام,
- - جەتٸسۋ وبلىسىندا – 1 040 ادام.
قاتىسۋشىلاردىڭ باسىم بٶلٸگٸ اۋىل شارۋاشىلىعى سالاسىندا – 36%, قىزمەت كٶرسەتۋدە – 23%, قوعامدىق تاماقتاندىرۋدا – 21% جۇمىسپەن قامتىلعان.
بۇل جوباعا 50 جاستان اسقان جۇمىسسىز ازاماتتار زەينەتكەرلٸك جاسقا تولعانعا دەيٸن قاتىسا الادى. جوباعا قاتىسۋ ٷشٸن مانساپ ورتالىعىنا ٶتٸنٸش بەرۋ قاجەت.
«كٷمٸس جاس» جوباسىنا قاتىسۋ مەرزٸمٸ اياقتالعاننان كەيٸن جۇمىس بەرۋشٸ زەينەتكەرلٸك جاسقا تولماعان ادامدى كەمٸندە 1 جىل مەرزٸمگە تۇراقتى جۇمىس ورنىنا, سونداي-اق زەينەتالدى جاستاعى ادامدى زەينەتكەرلٸككە شىققانعا دەيٸن جۇمىسقا ورنالاستىرۋعا مٸندەتتٸ.
جوباعا قاتىسۋ ۇزاقتىعى 36 ايدان (3 جىل) اسپايدى جەنە وسى ۋاقىت ارالىعىندا قاتىسۋشىلاردىڭ جالاقىسى مەملەكەت تاراپىنان سۋبسيدييالانادى.
«كٷمٸس جاس» جوباسىن قارجىلاندىرۋدى ەڭبەك موبيلدٸلٸگٸ ورتالىعى جۇمىس بەرۋشٸنٸڭ جوبا اياسىندا جۇمىسقا ورنالاستىرىلعان جۇمىسسىزدارعا ەڭبەكاقى تٶلەۋگە جۇمساعان شىعىندارىنىڭ بٸر بٶلٸگٸن ٶتەۋگە سۋبسيدييالار بەرۋ جولىمەن جٷزەگە اسىرادى. سۋبسيدييالار مٶلشەرٸ: جۇمىستىڭ بٸرٸنشٸ جىلىندا جالاقى مٶلشەرٸنٸڭ 70%-ىن (بٸراق 30 اەك-تەن اسپايتىن), جۇمىستىڭ ەكٸنشٸ جىلىندا جالاقى مٶلشەرٸنٸڭ 65%-ىن (بٸراق 30 اەك-تەن اسپايتىن), جۇمىستىڭ ٷشٸنشٸ جىلىندا جالاقى مٶلشەرٸنٸڭ 60%-ىن (بٸراق 30 اەك-تەن اسپايتىن) قۇرايدى.
كٶپتەگەن قازاقستاندىقتار جوبا تۋرالى وڭ پٸكٸر بٸلدٸرۋدە.
سولاردىڭ بٸرٸ – اقتٶبە وبلىسىنىڭ تۇرعىنى الەۆتينا پەلەحان «كٷمٸس جاس» جوباسى بويىنشا جاڭا جۇمىستا زەينەتكەرلٸك جاسقا دەيٸن ەكٸ جىل جۇمىس ٸستەپ, لايىقتى دەمالىسقا شىقتى.
«2023 جىلى جۇمىس ٸزدەپ, مانساپ ورتالىعىنا حابارلاستىم, وندا ماعان «كٷمٸس جاس» جوباسىنا قاتىسۋدى ۇسىندى. جولداما بويىنشا «قۇرىلىس-مۇعابييا» جشس-نە قۇجات مامانى بولىپ جۇمىسقا ورنالاستىم. ال اقپان ايىندا زەينەتكەرلٸك جاسقا تولىپ, زەينەتكە شىقتىم», – دەپ ٶتكەنٸمەن بٶلٸستٸ ول.
اقتٶبە وبلىسىندا 2025 جىلى «كٷمٸس جاس» جوباسى بويىنشا 1 205 ادامدى جۇمىسقا ورنالاستىرۋ جوسپاردا بار.
