QR Ishki ister ministrliginiń resmi ókili Nurdildá Oraz elimizde esirtki qylmysymen kúres qalai júrip jatqanyn baian etti, dep habarlaidy "Ult aqparat".
«Sintetikalyq preparattar áleýmettik jeliler arqyly «úndemei» kelip kiretin indetterdiń biri bolyp otyr. 2017 jyly bizdiń tiisti qyzmetter 400 esirtki satýshy saitty anyqtap, buǵattaǵan bolatyn. Al 2018 jyly bul statistika barynsha kóterilip, 5 myńǵa tarta sait buǵattaldy. Osy jyldyń 4 aiynyń ózinde QR IIM 3,5 myń saitty buǵattap otyr. Iaǵni, bul sait arqyly, áleýmettik jeli arqyly esirtki saýdasynyń qyzyp turǵanyn dáleldeidi», - dedi ol OKQ-da ótken baspasóz máslihatynda.
Onyń aitýynsha, esirtki qylmysyna qarsy is-qimylda qazirgi zamannyń úzdik tehnikalaryn paidalaný kózdelip otyr. Jalpy, esirtki qylmysymen kúres úsh baǵyt boiynsha iske asyrylady. Birinshiden, ishki ister organdarynyń arnaiy bólimsheleri iri esirtki satýshylardy anyqtaýdy kózdegen. Ekinshiden, internet-resýrstar arqyly esirtki taratý qylmysy úshin Qylmystyq kodekste jaýapkershilikti kúsheitý baptaryn engizý josparlanýda. Úshinshiden, ministrliktiń ortalyq apparatynda aqparattyq-kommýnikatsiialyq júiedegi esirtki qylmysyna qarsy kúres máselelerimen ainalysatyn bólinis bar.
