2020 jyldyń I toqsanynda elimizde áýe kóligimen 1,6 mln jolaýshy tasymaldandy. Bul týraly QR Indýstriia jáne infraqurylymdyq damý ministrliginen málim etti, dep habarlaidy "Ult aqparat".
«Statistika komitetiniń derekterine sáikes, 2020 jyldyń I toqsanynda tasymaldanǵan jolaýshylar sany 1 mln 687 myń adamdy qurady. Bul kórsetkish ótken jyldyń sáikes kezeńimen salystyrǵanda 5,2 paiyzǵa (2019 jyly – 1 mln 604 myń adam) kóp», - delingen ministrliktiń Telegram paraqshasynda jariialanǵan aqparatta.
Vedomstvo málimetinshe, naýryz-sáýir ailarynda Qazaqstanda áýe kóligimen jolaýshy tasymaly 70 paiyzǵa qysqardy. Óitkeni, 1 sáýirden bastap tótenshe jaǵdailar memlekettik komissiiasynyń tapsyrmasyn oryndaý aiasynda qazirge deiin 97 halyqaralyq baǵyt boiynsha aptasyna 440 reis nemese barlyq halyqaralyq reistiń 99 paiyzy qysqartyldy.
1 sáýirden 1 mamyrǵa deiin barlyq turaqty ishki reister de toqtatyldy.
