Bul týraly Kriminaldyq politsiia departamentiniń bastyǵy, politsiia polkovnigi Dýman Taev aityp berdi, dep habarlaidy QazAqparat.
«Toptasyp mal urlaityndarmen kúresý úshin óńirlerde jedel-izdestirý toptary jumys isteidi, olar mal bazarlary, mal soiý oryndary men saýda núktelerin tekseredi. Jyl basynan beri myńnan astam adam (1024) mal urlyǵymen ustalǵan, onyń ishinde 145 adam toptasyp jumys istegen. Máselen, Túrkistan oblysy PD qyzmetkerleri úsh adamdyq qylmystyq topty anyqtady, olardyń Kentaý aýdanynda 19 mal urlyǵyn jasaǵany dáleldendi», - dedi D. Taev ministrdik uiymdastyrǵan onlain brifingte.
Dál osyndai jaǵdai Batys Qazaqstan oblysynda da tirkelgen.
«Batys Qazaqstan oblysynda biylǵy sáýir aiynda 52 urlyq jasap, 170-ten astam mal urlaǵan top ustalǵan. Jalpy, sońǵy 5 jylda mal urlyǵy 42%-ǵa tómendegen. 2015 jyly 8 myńnan astam qylmys tirkelse, 2019 jyly 4,5 myń qylmys anyqtaldy. Qoldy bolǵan mal sany da 38% – 25 myńnan 16 myńǵa deiin azaidy. Biylǵy 10 aida mal urlyǵy 41%-ǵa (3 789-dan 2 248-ge deiin azaiǵan. Pandemiiaǵa bailanysty karantin sharalaryn engizý de buǵan aitarlyqtai áser etti», - dep túiindedi D.Taev.
