بۇل تۋرالى كريمينالدىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ دۋمان تاەۆ ايتىپ بەردٸ, دەپ حابارلايدى قازاقپارات.
«توپتاسىپ مال ۇرلايتىندارمەن كٷرەسۋ ٷشٸن ٶڭٸرلەردە جەدەل-ٸزدەستٸرۋ توپتارى جۇمىس ٸستەيدٸ, ولار مال بازارلارى, مال سويۋ ورىندارى مەن ساۋدا نٷكتەلەرٸن تەكسەرەدٸ. جىل باسىنان بەرٸ مىڭنان استام ادام (1024) مال ۇرلىعىمەن ۇستالعان, ونىڭ ٸشٸندە 145 ادام توپتاسىپ جۇمىس ٸستەگەن. مەسەلەن, تٷركٸستان وبلىسى پد قىزمەتكەرلەرٸ ٷش ادامدىق قىلمىستىق توپتى انىقتادى, ولاردىڭ كەنتاۋ اۋدانىندا 19 مال ۇرلىعىن جاساعانى دەلەلدەندٸ», - دەدٸ د. تاەۆ مينيستردٸك ۇيىمداستىرعان ونلاين بريفينگتە.
دەل وسىنداي جاعداي باتىس قازاقستان وبلىسىندا دا تٸركەلگەن.
«باتىس قازاقستان وبلىسىندا بيىلعى سەۋٸر ايىندا 52 ۇرلىق جاساپ, 170-تەن استام مال ۇرلاعان توپ ۇستالعان. جالپى, سوڭعى 5 جىلدا مال ۇرلىعى 42%-عا تٶمەندەگەن. 2015 جىلى 8 مىڭنان استام قىلمىس تٸركەلسە, 2019 جىلى 4,5 مىڭ قىلمىس انىقتالدى. قولدى بولعان مال سانى دا 38% – 25 مىڭنان 16 مىڭعا دەيٸن ازايدى. بيىلعى 10 ايدا مال ۇرلىعى 41%-عا (3 789-دان 2 248-گە دەيٸن ازايعان. پاندەميياعا بايلانىستى كارانتين شارالارىن ەنگٸزۋ دە بۇعان ايتارلىقتاي ەسەر ەتتٸ», - دەپ تٷيٸندەدٸ د.تاەۆ.
