2021 jylǵy 1 maýsymdaǵy jaǵdai boiynsha 164,4 myń otbasyndaǵy 799,2 myń adamǵa ataýly áleýmettik kómek (AÁK) taǵaiyndaldy. Biyl osy maqsattarǵa biýdjetten 122,8 mlrd teńge bólindi, dep habarlaidy "Ult aqparat".
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý aiasynda elimizdiń barlyq óńirlerinde tabysy az otbasylardyń mektep jasyna tolmaǵan balalaryn kepildik berilgen áleýmettik toptamamen qamtamasyz etý boiynsha jumys júrgizilip jatyr.
2021 jylǵy 1 maýsymda AÁK alýshylar qataryndaǵy 1 jastan 6 jasqa deiingi 196,5 myń balaǵa azyq-túlik jáne turmystyq himiia zattarynyń jiyntyǵy túrinde áleýmettik toptama berildi.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, sondai-aq egov.kz elektrondyq úkimet portaly arqyly bere alady.
